കളർഒഎസ് 17 അപ്ഡേറ്റ് പ്രഖ്യാപിച്ച് ഒപ്പോയും വൺപ്ലസും; റിലീസ് തീയതികൾ പുറത്ത്

ആൻഡ്രോയിഡ് 17 പതിപ്പ് പിക്സൽ ഡിവൈസുകളിൽ ലഭ്യമാക്കിത്തുടങ്ങി കുറച്ചുകാലമായെങ്കിലും, മറ്റ് പ്രമുഖ നിർമാതാക്കളുടെ ഫോണുകളിലേക്കും പുതിയ ഒഎസുകൾ എത്തിത്തുടങ്ങിയിരിക്കുകയാണ്. സാംസങ് ഇതിനോടകം തന്നെ ഗാലക്സി ഫോണുകളിലേക്ക് വൺ യുഐ 9 എത്തിക്കുന്നതിന്റെ തിരക്കിലാണ്.

ഇതിന് പിന്നാലെയാണ് തങ്ങളുടെ പുതിയ സോഫ്റ്റ്‌വെയർ പതിപ്പായ കളർഒഎസ് 17 ന്റെ റിലീസ് തീയതികൾ പ്രഖ്യാപിച്ചുകൊണ്ട് ഒപ്പോയും വൺപ്ലസും രംഗത്തെത്തിയിരിക്കുന്നത്. പുതിയ അപ്ഡേറ്റ് എപ്പോൾ ലഭ്യമാകുമെന്ന് കാത്തിരിക്കുന്ന ഉപയോക്താക്കൾക്കായി കമ്പനികൾ ഔദ്യോഗിക സമയക്രമം പങ്കുവെച്ചിട്ടുണ്ട്.

ഈ മാസം വരാനിരിക്കുന്ന ഫൈൻഡ് എക്സ്10 സീരീസിലാണ് പുതിയ സോഫ്റ്റ്‌വെയർ ആദ്യം അവതരിപ്പിക്കുന്നത്. തുടർന്ന് പഴയ ഫോണുകളിലേക്കും അപ്ഡേറ്റ് വ്യാപിപ്പിക്കും.

ഒപ്പോ കളർഒഎസ് 17 റിലീസ് ഷെഡ്യൂൾ:
* ഒക്ടോബർ 29, 2026: ഫൈൻഡ് എൻ6, ഫൈൻഡ് എക്സ്9 സീരീസ്
* ഒക്ടോബർ 30, 2026: ഫൈൻഡ് എൻ5; ഫൈൻഡ് എക്സ്8 സീരീസ്; റിനോ16 സീരീസ്
* നവംബർ 2026: ഫൈൻഡ് എൻ3, എൻ3 ഫ്ലിപ്പ്; റിനോ14, റിനോ15 സീരീസ്; കെ14, കെ14എക്സ്, കെ13എക്സ്; എഫ്29, എഫ്31, എഫ്33
* ഡിസംബർ 2026: റിനോ13 സീരീസ്; കെ13, കെ13 ടർബോ സീരീസ്; പാഡ് 3, പാഡ് 5 സീരീസ്
* 2027 ക്യു1: ഫൈൻഡ് എൻ2 ഫ്ലിപ്പ്; റിനോ12 സീരീസ്; എഫ്29 പ്രോ, എഫ്31 പ്രോ ആൻഡ് പ്രോ+, എഫ്33 പ്രോ; പാഡ് എസ്ഇ സീരീസ് വൺപ്ലസ് കളർഒഎസ് 17 റിലീസ് ഷെഡ്യൂൾ:
* ഒക്ടോബർ 29, 2026: വൺപ്ലസ് 15; പാഡ് 4
* ഒക്ടോബർ 30, 2026: വൺപ്ലസ് 15ആർ; വൺപ്ലസ് 13, 13എസ്
* നവംബർ 2026: വൺപ്ലസ് ഓപ്പൺ; വൺപ്ലസ് 13ആർ, 12; നോർഡ് 6, സിഇ6; പാഡ് 3
* ഡിസംബർ 2026: വൺപ്ലസ് 12ആർ (ജെൻഷിൻ ഇംപാക്ട് എഡിഷൻ ഉൾപ്പെടെ), 11; നോർഡ് 5, സിഇ6 ലൈറ്റ്, സിഇ5; പാഡ് 2, പാഡ് ഗോ 2
* 2027 ക്യു1: നോർഡ് 4; വൺപ്ലസ് എൻ6 സീരീസ് (എൻ6, എൻ6എക്സ്, എൻ6 ലൈറ്റ്); പാഡ് ലൈറ്റ് കളർഒഎസ് 17 ലെ പ്രധാന സവിശേഷതകൾ:
ഡിസൈൻ തലത്തിൽ വലിയ മാറ്റങ്ങൾ ഇല്ലെങ്കിലും, ലിക്വിഡ് ഗ്ലാസ് ഡിസൈൻ ആശയമാണ് ഒപ്പോ ഇതിലും പിന്തുടരുന്നത്. കൂടുതൽ റിസോഴ്സ്-എഫിഷ്യന്റായ ലിവിംഗ് ഫ്ലോ ഡിസൈൻ ആണ് പുതിയ പതിപ്പിൽ ഉൾപ്പെടുത്തിയിരിക്കുന്നത്.

പുതിയ റെൻഡറിങ് എൻജിൻ വഴി റെൻഡറിങ് ലോഡ് 30 ശതമാനം വരെ കുറയ്ക്കാനും റാം ഉപയോഗം 25 ശതമാനം വരെ ലാഭിക്കാനും സാധിക്കുമെന്ന് കമ്പനി അവകാശപ്പെടുന്നു. കൂടാതെ, ആർട്ടിഫിഷ്യൽ ഇന്റലിജൻസ് അഥവാ എഐ ഫീച്ചറുകൾക്കും വലിയ പ്രാധാന്യമാണ് നൽകിയിരിക്കുന്നത്.

ഫോട്ടോകളും ഫയലുകളും കൈകാര്യം ചെയ്യാൻ സഹായിക്കുന്ന ഏജന്റ് മോഡ്, എഐ ഫോട്ടോ എഡിറ്റിംഗ് തുടങ്ങിയ നൂതന സൗകര്യങ്ങളും പുതിയ അപ്ഡേറ്റിൽ ഉൾപ്പെടുത്തിയിട്ടുണ്ട്. ഫ്ലോട്ടിങ് വിൻഡോകൾ ലഭ്യമാണെങ്കിലും ഗൂഗിളിന്റെ നേറ്റീവ് ആപ്പ് ബബിൾസ് സംവിധാനം ഇതിൽ ലഭ്യമല്ലെന്ന ചെറിയ കുറവ് ചില ഉപയോക്താക്കൾ ചൂണ്ടിക്കാണിക്കുന്നുണ്ട്.