പ്രമുഖ ഇ-കൊമേഴ്സ് പ്ലാറ്റ്‌ഫോമായ ആമസോണിന്റെ പ്രൈം ബിഗ് ഡീൽ ഡേയ്‌സ് ഇവൻ്റിനോടനുബന്ധിച്ച് സാംസങ്ങിന്റെ പ്രീമിയം സ്മാർട്ട്‌ഫോണായ ഗാലക്സി എസ്26 അൾട്രാ വൻ വിലക്കുറവിൽ ലഭ്യമായിത്തുടങ്ങി. അടുത്തിടെയുണ്ടായ വില വർദ്ധനവിന് മുൻപുള്ള നിരക്കുകളേക്കാളും താഴെയാണ് നിലവിലെ ഓഫർ വില.
ഫോൺ വാങ്ങാൻ കാത്തിരുന്ന ഉപയോക്താക്കൾക്ക് ഇതൊരു മികച്ച അവസരമാണ്. യഥാർത്ഥ വിലയായ 1,400 ഡോളറിന്മേൽ 32 ശതമാനം ഇളവാണ് ഇപ്പോൾ ലഭിക്കുന്നത്.
ഇതോടെ ഫോണിന്റെ വില 950 ഡോളറായി കുറഞ്ഞു. കഴിഞ്ഞ കുറച്ചുകാലത്തിനിടയിലെ ഏറ്റവും കുറഞ്ഞ വിലകളിലൊന്നാണിത്.
മികച്ച ഫീച്ചറുകളുമായി എത്തുന്ന ഈ ഫോണിന് കരുത്ത് പകരുന്നത് സ്നാപ്ഡ്രാഗൺ 8 എലൈറ്റ് ജെൻ 5 ചിപ്പാണ്. ഇതിനൊപ്പം 12GB RAM ഉം 256GB സ്റ്റോറേജ് സൗകര്യവുമുണ്ട്.
ഉപയോക്താക്കളുടെ സ്വകാര്യത സംരക്ഷിക്കുന്നതിനായി സ്ക്രീൻ വിവരങ്ങൾ മറ്റുള്ളവരിൽ നിന്ന് മറച്ചുപിടിക്കുന്ന ‘പ്രൈവസ ഡിസ്പ്ലേ’ എന്ന ലോകത്തിലെ തന്നെ ആദ്യ സവിശേഷതയും ഇതിലുണ്ട്. 6.9 ഇഞ്ച് AMOLED സ്‌ക്രീനാണ് ഈ ഫോണിനുള്ളത്.
മുഴുവൻ ദിവസത്തെ ഉപയോഗത്തിനായി 5,000mAh ബാറ്ററിയും, ഒപ്പം 60W വയേർഡ്, 25W വയർലെസ് ചാർജിങ് സൗകര്യങ്ങളും സജ്ജീകരിച്ചിരിക്കുന്നു. 200MP മെയിൻ ക്യാമറ, 50MP അൾട്രാവൈഡ്, 10MP ടെലിഫോട്ടോ, മറ്റൊരു 50MP ടെലിഫോട്ടോ സൂം ക്യാമറ എന്നിവയാണ് ഇതിലെ ക്യാമറ സംവിധാനങ്ങൾ.
കൂടാതെ, ഉപയോക്താക്കൾക്കായി 7 വർഷത്തെ സോഫ്റ്റ്‌വെയർ അപ്ഡേറ്റുകളും സാംസങ് വാഗ്ദാനം ചെയ്യുന്നുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
