ഡൽഹി: മുഖ്യ തിരഞ്ഞെടുപ്പ് കമ്മീഷ്ണർ ഗ്യാനേഷ് കുമാർ രാജിവെക്കണമെന്ന് ആവശ്യപ്പെട്ട് പ്രതിപക്ഷ കക്ഷികളുടെ കൂട്ടായ്മയായ ഇന്ത്യ സഖ്യം നടത്തിവന്ന പ്രതിഷേധ സമരങ്ങൾക്ക് ഇന്ന് ഔദ്യോഗികമായി തിരശ്ശീല വീണു. സമരത്തിന്റെ സമാപന ദിവസമായ ഇന്ന് പ്രതിപക്ഷ എംപിമാർ രാജ്ഘട്ടിൽ എത്തി രാഷ്ട്രപിതാവ് മഹാത്മാഗാന്ധിയുടെ സമാധി സ്ഥലത്ത് പുഷ്പാർച്ചന നടത്തിയ ശേഷമാണ് മടങ്ങിയത്.
പ്രതിഷേധത്തിൽ പങ്കെടുത്ത എംപിമാർ മൂന്ന് പ്രത്യേക ബസുകളിലായാണ് രാജ്ഘട്ടിലേക്ക് എത്തിയത്. എന്നാൽ കോൺഗ്രസ് നേതാക്കളായ രാഹുൽഗാന്ധിയും പ്രിയങ്കഗാന്ധിയും തങ്ങളുടെ ഔദ്യോഗിക വാഹനങ്ങളിലാണ് രാജ്ഘട്ടിൽ നിന്ന് തിരിച്ചുപോയത്.
അതേസമയം, തികച്ചും സമാധാനപരമായ അന്തരീക്ഷത്തിലാണ് ഇന്നത്തെ സമരപരിപാടികൾ നടന്നത്. ഡൽഹി പോലീസിന്റെ ഭാഗത്തുനിന്ന് യാതൊരുവിധ ബലപ്രയോഗങ്ങളും ഉണ്ടായില്ല.
ബാരിക്കേഡുകൾ ഉപയോഗിച്ച് റോഡുകൾ അടച്ചുപൂട്ടുകയോ പ്രതിഷേധക്കാരുടെ നീക്കങ്ങളെ തടസ്സപ്പെടുത്തുന്ന തരത്തിലുള്ള മറ്റ് നിയന്ത്രണങ്ങൾ ഏർപ്പെടുത്തുകയോ ചെയ്യാൻ പോലീസ് മുതിർന്നില്ലെന്നും റിപ്പോർട്ടുകൾ വ്യക്തമാക്കുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
