അവധിദിനങ്ങൾ ആഘോഷമാക്കാൻ എത്തിയ വിനോദസഞ്ചാരികളുടെ വൻതിരക്കിനെ തുടർന്ന് ഗൂഡല്ലൂർ – ഊട്ടി ദേശീയ പാതയിൽ ഗതാഗതം സ്തംഭിച്ചു. ഊട്ടിയിലേക്കുള്ള പാതയുടെ വിവിധ ഭാഗങ്ങളിൽ വലിയ തോതിലുള്ള വാഹനത്തിരക്കാണ് അനുഭവപ്പെട്ടത്.
ഊട്ടി റോഡിലെ പ്രമുഖ വിനോദസഞ്ചാര കേന്ദ്രമായ ഷൂട്ടിങ് മട്ടത്തിലും സമാനമായ രീതിയിൽ വൻ തിരക്ക് രക്ഷമായി അനുഭവപ്പെട്ടു. സുരക്ഷാ മുൻകരുതലുകളുടെ ഭാഗമായി കല്ലട്ടി ചുരത്തിലൂടെയുള്ള ഗതാഗതത്തിന് കർശന നിയന്ത്രണങ്ങൾ ഏർപ്പെടുത്തിയിട്ടുണ്ട്.
ഒരു ദിവസം പരമാവധി 200 വാഹനങ്ങൾക്ക് മാത്രമാണ് കല്ലട്ടി ചുരം വഴി കടന്നുപോകാൻ അനുവാദമുള്ളത്. മവനഹള്ളയിൽ ഇതിനായി വനംവകുപ്പിന്റെ പ്രത്യേക ചെക്ക് പോസ്റ്റും പ്രവർത്തനക്ഷമമാക്കിയിട്ടുണ്ട്.
ചെന്നൈ ഹൈക്കോടതിയുടെ ഉത്തരവിനെ തുടർന്നാണ് ഈ സുപ്രധാന നടപടി സ്വീകരിച്ചിരിക്കുന്നത്. ഊട്ടി നഗരത്തിന് ഉള്ളിൽ വലിയ തോതിലുള്ള തിരക്ക് അനുഭവപ്പെട്ടിട്ടില്ലെങ്കിലും, നഗരത്തിന് പുറത്തുള്ള മറ്റ് പ്രധാന വിനോദസഞ്ചാര മേഖലകളിലാണ് വൻ ജനത്തിരക്ക് അനുഭവപ്പെട്ടത്.
ഊട്ടിയിൽ രണ്ടാമത്തെ സീസൺ ആരംഭിച്ചതോടെയാണ് ഇതര പ്രദേശങ്ങളിൽ നിന്നും സഞ്ചാരികൾ എത്തിത്തുടങ്ങിയത്. നിലവിൽ മഴയുടെ ലഭ്യത കുറവായതിനാൽ ഊട്ടിയിൽ തണുപ്പിന്റെ അളവ് കുറവാണ്.
എങ്കിലും, രണ്ടാം സീസണെ വരവേൽക്കാനായി പ്രദേശത്തെ ഹോട്ടലുകളിലും റിസോർട്ടുകളിലും ബുക്കിങ് നടപടികൾ ഇതിനോടകം ആരംഭിച്ചു കഴിഞ്ഞു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
