കണ്ണൂർ ജില്ലയിലെ ശ്രീകണ്ഠപുരത്ത് രാഷ്ട്രീയ സംഘർഷത്തിനിടെ നഗരസഭ ചെയർമാനെ പൊലീസ് ഉദ്യോഗസ്ഥർ മർദ്ദിച്ചുവെന്ന പരാതിയിൽ വകുപ്പുതല അന്വേഷണത്തിന് ഉത്തരവിട്ടു. ശ്രീകണ്ഠപുരം നഗരസഭ ചെയർമാൻ ഇ വി രാമകൃഷ്ണൻ നൽകിയ പരാതിയുടെ അടിസ്ഥാനത്തിലാണ് ഔദ്യോഗിക നടപടികൾ ആരംഭിച്ചിരിക്കുന്നത്.
കണ്ണൂർ റൂറൽ ജില്ലാ ക്രൈംബ്രാഞ്ച് ഡിവൈഎസ്പിക്കാണ് ഈ അന്വേഷണത്തിന്റെ ചുമതല നൽകിയിട്ടുള്ളത്. ശ്രീകണ്ഠപുരം സിഐ, എസ്ഐ, പയ്യാവൂർ പ്രിൻസിപ്പൽ എസ്ഐ എന്നിവർക്കെതിരെയാണ് ആഭ്യന്തര വകുപ്പ് മന്ത്രിക്ക് പരാതി സമർപ്പിച്ചിരുന്നത്.
സിപിഎം – കോൺഗ്രസ് പ്രവർത്തകർ തമ്മിലുണ്ടായ സംഘർഷത്തിനിടയിൽ ചെയർമാന് നേരെ പൊലീസ് അതിക്രമം ഉണ്ടായെന്നാണ് പ്രധാന ആരോപണം. പൊലീസ് നടപടിയിൽ ശക്തമായ പ്രതിഷേധം അറിയിച്ച് യൂത്ത് കോൺഗ്രസ് പ്രവർത്തകർ നേരത്തെ പൊലീസ് സ്റ്റേഷനിലേക്ക് മാർച്ച് സംഘടിപ്പിച്ചിരുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
