കാർയാത്രാ വിവാദങ്ങൾക്കിടെ വിദേശയാത്രയിലുള്ള മന്ത്രി കെ.എം. ഷാജി ഈ മാസം 26ന് കേരളത്തിൽ തിരിച്ചെത്തും.
നിലവിൽ ബൾഗേറിയയിലുള്ള അദ്ദേഹം, നാട്ടിൽ മടങ്ങിയെത്തിയാൽ തുടർയാത്രകൾക്കായി സർക്കാർ വാഹനം തന്നെ ഉപയോഗിക്കുമെന്നാണ് അദ്ദേഹത്തോട് അടുത്ത വൃത്തങ്ങൾ വ്യക്തമാക്കിയിട്ടുള്ളത്. സുഹൃത്തിന്റെ റേഞ്ച് റോവർ കാറിൽ ഔദ്യോഗിക ബോർഡും നമ്പറും ഘടിപ്പിച്ച് ഉപയോഗിച്ചതാണ് നിലവിലുള്ള വിവാദങ്ങൾക്ക് കാരണമായത്.
സർക്കാർ അനുമതിയോടെയാണ് ബോർഡ് ഉപയോഗിച്ചതെന്നായിരുന്നു മന്ത്രിയുടെ പ്രാഥമിക വിശദീകരണമെങ്കിലും, ഒരു പ്രത്യേക യാത്രയ്ക്ക് മാത്രമാണ് അനുമതി നൽകിയിരുന്നതെന്ന് പിന്നീട് വ്യക്തമാവുകയായിരുന്നു. അതേസമയം, സർക്കാർ വാഹനം കേടായതുമൂപ്പാണ് സുഹൃത്തിന്റെ വാഹനം ഉപയോഗിക്കേണ്ടി വന്നതെന്നും അതിനായി ഔദ്യോഗിക അനുമതി വാങ്ങിയിരുന്നുവെന്നും മുഖ്യമന്ത്രി വ്യക്തമാക്കി.
2017ൽ വാങ്ങിയതും പത്ത വർഷത്തോളം പഴക്കമുള്ളതുമായ സർക്കാർ വാഹനമാണ് ഷാജി ഉപയോഗിച്ചിരുന്നത്. ഈ വാഹനം ഇടയ്ക്കിടെ കേടാകുന്ന സാഹചര്യത്തിലാണ് സുഹൃത്തിന്റെ വാഹനം ഉപയോഗിച്ചത്.
വാഹനം ഉപയോഗിക്കുന്നതിന് പ്രോട്ടോക്കോൾ വിഭാഗം മന്ത്രിക്ക് അനുമതി നൽകിയിട്ടുണ്ട്. അനുമതി നൽകിയതിനേക്കാൾ കൂടുതൽ മണിക്കൂറുകൾ യാത്ര ചെയ്യുന്നത് ഗുരുതരമായ കുറ്റകൃത്യമാണോ എന്ന് മുഖ്യമന്ത്രി ചോദിച്ചു.
മന്ത്രിമാർ ഉപയോഗിക്കുന്ന പല വാഹനങ്ങളും വഴിയിൽ നിന്ന് പണിമുടക്കുന്ന സ്ഥിതിയാണുള്ളത്. മുൻ സർക്കാരുകളിലെ മന്ത്രിമാർ ഉപയോഗിച്ചിരുന്ന വാഹനങ്ങളാണ് ഇവയെന്നും, കർമ്മനിരതരായി യാത്ര ചെയ്യുന്ന മന്ത്രിമാർ വഴിയിൽ കിടക്കേണ്ടി വരുമോ എന്നും മുഖ്യമന്ത്രി വാർത്താസമ്മേളനത്തിൽ ചോദ്യമുന്നയിച്ചു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
