ബിഗ് ബോസ് മലയാളം സീസണ് 8-ൽ രണ്ടാം വാരത്തിലെ ലീഡർ തിരഞ്ഞെടുപ്പിൽ വൻ അട്ടിമറികളും വഴിത്തിരിവുകളുമാണ് അരങ്ങേറിയത്. ഒന്നാം വാരത്തിൽ ജസീല പർവീൺ ആയിരുന്നു ലീഡർ സ്ഥാനത്ത് ഉണ്ടായിരുന്നത്.
എന്നാൽ, രണ്ടാം വാരത്തിലും ഈ പദവി നിലനിർത്തണമെങ്കിൽ അവർക്ക് വിശ്വാസവോട്ട് നേടേണ്ടതായി വന്നു. ജനസഭയിൽ നടന്ന വോട്ടെടുപ്പിൽ മറ്റ് മത്സരാർത്ഥികൾ ഭരണമാറ്റമാണ് ആവശ്യപ്പെട്ടത്.
ഇതേതുടർന്ന് ജസീലയുടെ ലീഡർ സ്ഥാനവും, അനുയായികളായ മൃദുല വിജയ്, സുമേഷ് ചന്ദ്രൻ എന്നിവരുടെ പദവികളും നഷ്ടപ്പെടുകയായിരുന്നു. തുടർന്ന് പുതിയ ലീഡറെ തിരഞ്ഞെടുക്കുന്നതിനുള്ള നടപടികൾ ആരംഭിച്ചു.
ഭൂരിഭാഗം പേരും എൽദോയുടെയും രാഹുൽ ഈശ്വറിന്റെയും പേരുകളാണ് നിർദ്ദേശിച്ചത്. ഇവരിൽ ആര് അടുത്ത ലീഡറാകണമെന്ന് തീരുമാനിക്കാനായി നടത്തിയ വോട്ടെടുപ്പിൽ രാഹുൽ ഈശ്വറിനെ പിന്തള്ളി എൽദോ മികച്ച വിജയം നേടി.
രാഹുൽ ഈശ്വറിന് 4 വോട്ടുകൾ മാത്രം ലഭിച്ചപ്പോൾ, 15 വോട്ടുകൾ നേടിയാണ് എൽദോ ലീഡർ സ്ഥാനത്തേക്ക് തിരഞ്ഞെടുക്കപ്പെട്ടത്. ചുമതലയേറ്റ ഉടൻ തന്നെ ബിഗ് ബോസ് എൽദോയോട് ഒരു നിർണായക ചോദ്യം ചോദിച്ചു.
കഴിഞ്ഞ ഭരണസമിതി എടുത്ത തീരുമാനങ്ങളിൽ ഏതെങ്കിലും തിരുത്തണമെന്ന് ആഗ്രഹിക്കുന്നുണ്ടോ എന്നായിരുന്നു ചോദ്യം. സ്പോട്ട് എവിക്ഷനിലൂടെ ഗായത്രി സുരേഷിനെ പുറത്താക്കിയ തീരുമാനം തിരുത്താൻ ആഗ്രഹിക്കുന്നുവെന്ന് എൽദോ വ്യക്തമാക്കി.
എന്നാൽ, ഈ ആവശ്യം അംഗീകരിക്കണമെങ്കിൽ എൽദോ തന്റെ ലീഡർ സ്ഥാനം ഒഴിയണമെന്നും, ആ സ്ഥാനത്തേക്ക് പ്രതിപക്ഷ നേതൃസ്ഥാനത്തുണ്ടായിരുന്ന രാഹുൽ ഈശ്വറിനെ നിയമിക്കേണ്ടി വരുമെന്നും ബിഗ് ബോസ് അറിയിച്ചു. ഈ ഉപാധിക്ക് പിന്നാലെ എൽദോ തന്റെ തീരുമാനം ഉടൻ തന്നെ വ്യക്തമാക്കി.
ഗായത്രി സുരേഷിനെ തിരിച്ചെടുക്കുന്നതിനായി ലീഡർ സ്ഥാനം ഒഴിയാൻ തയ്യാറാണെന്ന് അദ്ദേഹം അറിയിച്ചു. ഇതോടെ എൽദോ സ്ഥാനം ഒഴിയുകയും, രാഹുൽ ഈശ്വർ പുതിയ ലീഡറായി ചുമതലയേൽക്കുകയും ചെയ്തു.
വിക്കി തഗ്ഗ്, ലൊലീറ്റ എന്നിവരാണ് രാഹുൽ ഈശ്വറിന്റെ അനുയായികൾ. അനുയായിയായി ആർജെ അഞ്ജലിയുടെ പേര് ചിലർ നിർദ്ദേശിച്ചെങ്കിലും വിക്കി തഗ്ഗ് അതിനെതിരെ തന്റെ എതിർപ്പ് പ്രകടിപ്പിച്ചു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
