കോട്ടയം: നിർമാണം പൂർത്തിയായ കോടിമത രണ്ടാം പാലത്തിന്റെ സമീപനപാതയുടെ ടാറിങ് പ്രവർത്തനങ്ങൾ വരുന്ന 10-ാം തീയതി ആരംഭിക്കുമെന്ന് അധികൃതർ വ്യക്തമാക്കി. പ്രദേശത്ത് ഇടവിട്ടുള്ള മഴ തുടർന്നതും, പാറമടകളിൽ നിന്ന് ആവശ്യത്തിന് നിർമാണ സാമഗ്രികൾ ലഭ്യമല്ലാതായതുമാണ് പ്രവൃത്തികൾ വൈകാൻ ഇടയാക്കിയ പ്രധാന കാരണം.
കാലാവസ്ഥ അനുകൂലമായി മാറിനിന്നാൽ നിശ്ചയിച്ച പ്രകാരം 10-ാം തീയതി തന്നെ ടാറിങ് നടപടികൾ ആരംഭിക്കാൻ സാധിക്കുമെന്നാണ് അധികൃതരുടെ വിലയിരുത്തൽ. 9.5 മീറ്റർ വീതിയിലാണ് പുതിയ സമീപന പാത യാഥാർത്ഥ്യമാക്കുന്നത്.
ഇതിൽ കോട്ടയം ഭാഗത്ത് 145 മീറ്ററും മറുഭാഗത്ത് 50 മീറ്ററുമാണ് പാതയുടെ മൊത്തത്തിലുള്ള നീളം. ടാറിങ് ജോലികൾ പൂർത്തിയാകുന്ന മുറയ്ക്ക് ക്രാഷ് ബാരിയറുകൾ സ്ഥാപിക്കുന്നത് ഉൾപ്പെടെയുള്ള പ്രധാന റോഡ് സുരക്ഷാ ജോലികൾ ആരംഭിക്കും.
ഈ പ്രവൃത്തികൾ കൂടി പൂർത്തിയാകുന്നതോടെ പുതിയ റോഡ് പൊതുഗതാഗതത്തിനായി പൂർണ്ണമായും തുറന്നുകൊടുക്കുമെന്ന് അധികൃതർ അറിയിച്ചു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
