പുതിയ തലമുറ ഫോൾഡബിൾ സ്മാർട്ട്ഫോണുകളെ വിപണിയിലെത്തിക്കാൻ തയ്യാറെടുക്കുകയാണ് സാംസങ്. ആഴ്ചകൾക്കുള്ളിൽ ഔദ്യോഗികമായി പുറത്തിറങ്ങാനിരിക്കുന്ന Galaxy Z Fold 8, Z Flip 8, Z Fold 8 Wide എന്നീ മോഡലുകളെക്കുറിച്ചുള്ള നിർണ്ണായക വിവരങ്ങൾ ഇപ്പോൾ പുറത്തുവന്നു.
Galaxy Z Fold 8 Wide മോഡലിൽ 5.5 ഇഞ്ച് കവർ ഡിസ്പ്ലേയും 7.6 ഇഞ്ച് വലിപ്പമുള്ള ഫോൾഡബിൾ മെയിൻ സ്ക്രീനുമാണ് ഉൾപ്പെടുത്തിയിരിക്കുന്നത്. 2448 x 1848 പിക്സൽ റെസല്യൂഷനോടെ എത്തുന്ന ഇന്നർ ഡിസ്പ്ലേ മുൻ മോഡലുകളെ അപേക്ഷിച്ച് കൂടുതൽ വീതിയുള്ള ആസ്പെക്റ്റ് റേഷ്യോ നൽകുന്നു.
ഡിസ്പ്ലേയുടെ ദൃശ്യപരത മെച്ചപ്പെടുത്താനും ഈടുനിൽപ്പ് വർദ്ധിപ്പിക്കാനുമായി പുതിയ ടൈറ്റാനിയം സബ്സ്ട്രേറ്റ് ഡിസൈനാണ് കമ്പനി ഉപയോഗിച്ചിരിക്കുന്നത്. 50MP f/1.8 പ്രധാന ക്യാമറയും 50MP f/1.9 അൾട്രാ വൈഡ് ക്യാമറയും ഈ മോഡലിന്റെ പ്രത്യേകതയാണ്.
4.5mm കനവും 201g ഭാരവുമുള്ള ഈ ഫോണിൽ 4,800mAh ബാറ്ററിയും 45W വയർഡ് ചാർജിങ് സൗകര്യവുമുണ്ട്. സ്നാപ്ഡ്രാഗൺ 8 എലൈറ്റ് ജെൻ 5 ‘ഫോർ ഗാലക്സി’ ചിപ്സെറ്റിനൊപ്പം 12GB റാമും 1TB വരെ സ്റ്റോറേജും ഇതിൽ ലഭ്യമാകും.
പ്രീമിയം വിഭാഗത്തിൽ ഉൾപ്പെടുന്ന Galaxy Z Fold 8 Ultra-യിൽ കൂടുതൽ മികച്ച ഫീച്ചറുകളാണ് സജ്ജീകരിച്ചിരിക്കുന്നത്. 6.5 ഇഞ്ച് കവർ ഡിസ്പ്ലേയും 8 ഇഞ്ച് ഇന്നർ ഡിസ്പ്ലേയുമാണ് ഇതിനുള്ളത്.
200MP പ്രൈമറി ക്യാമറ, 3x 10MP ടെലിഫോട്ടോ ലെൻസ്, 50MP f/1.9 അൾട്രാ വൈഡ് ക്യാമറ എന്നിവ ഉൾപ്പെടെ മൂന്ന് പിൻ ക്യാമറകൾ ഈ മോഡലിൽ ഉണ്ടാകും. 5,000mAh ബാറ്ററിയുള്ള ഈ ഉപകരണം 4.1mm കനത്തിൽ വളരെ നേർത്ത രൂപകല്പനയിലാണ് നിർമ്മിച്ചിരിക്കുന്നത്.
വേഗതയേറിയ ചാർജിങ് ശേഷിയും ഈ മോഡലിന്റെ പ്രത്യേകതയാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
