ഇന്ത്യയിലെ മുൻനിര ടയർ നിർമ്മാണ കമ്പനിയായ എംആർഎഫ്, രാജ്യത്തെ ഏറ്റവും മൂല്യമേറിയ ടയർ ബ്രാൻഡായി തിരഞ്ഞെടുക്കപ്പെട്ടു. 2026-ലെ ബ്രാൻഡ് ഫിനാൻസ് ഇന്ത്യ 100 റിപ്പോർട്ട് പ്രകാരം, ആഗോളതലത്തിൽ ഏറ്റവും കരുത്തുറ്റ മൂന്ന് ടയർ ബ്രാൻഡുകളിൽ ഒന്നാണ് എംആർഎഫ്.
ഓട്ടമൊബീൽ, ബാങ്കിങ്, ഹോസ്പിറ്റാലിറ്റി തുടങ്ങിയ മേഖലകളിലെ ഇന്ത്യയിലെ മികച്ച 50 ബ്രാൻഡുകളുടെ പട്ടികയിലും കമ്പനി ഇടംപിടിച്ചിട്ടുണ്ട്. ബ്രാൻഡ് മൂല്യവും റേറ്റിംഗും ഏകദേശം 863.1 ദശലക്ഷം യുഎസ് ഡോളർ (ഏകദേശം 8304 കോടി രൂപ) ആണ് എംആർഎഫിന്റെ നിലവിലെ ബ്രാൻഡ് മൂല്യം.
കമ്പനിയുടെ മികവും കരുത്തും അളക്കുന്ന ‘സ്ട്രെങ്ത് സ്കോറി’ൽ 100-ൽ 87.7 പോയിന്റുകൾ നേടിയാണ് ഈ നേട്ടം കൈവരിച്ചത്. ഏറ്റവും ഉയർന്ന നിലവാരത്തെ സൂചിപ്പിക്കുന്ന ‘എഎഎ’ റേറ്റിംഗും എംആർഎഫ് സ്വന്തമാക്കിയിട്ടുണ്ട്.
ഉപഭോക്താക്കളുടെ വിശ്വാസം, വിപണിയിലെ നിക്ഷേപം, സൽപേര് എന്നിവയിൽ മറ്റു ബ്രാൻഡുകളെ അപേക്ഷിച്ച് മികച്ച പ്രകടനമാണ് കമ്പനി കാഴ്ചവെക്കുന്നത്. മാനേജ്മെന്റിന്റെ പ്രതികരണം ഈ അംഗീകാരം കമ്പനിയിൽ വിശ്വാസമർപ്പിച്ച ഓരോ ഇന്ത്യക്കാർക്കും അവകാശപ്പെട്ടതാണെന്ന് എംആർഎഫ് ടയേഴ്സ് ചെയർമാനും മാനേജിങ് ഡയറക്ടറുമായ കെ.എം.മാമ്മൻ വ്യക്തമാക്കി.
കുടുംബങ്ങളുടെ യാത്രകൾ കൂടുതൽ സുരക്ഷിതമാക്കുന്നതിൽ തങ്ങൾക്ക് വലിയ ഉത്തരവാദിത്തമുണ്ടെന്നും അദ്ദേഹം കൂട്ടിച്ചേർത്തു. പുതിയ തൊഴിലവസരങ്ങൾ വിമാനങ്ങളുടെ ടയറുകൾ ഉൾപ്പെടെ നിർമ്മിക്കുന്ന എംആർഎഫ്, തമിഴ്നാട്ടിലെ ശിവഗംഗ ജില്ലയിൽ പുതിയ ഗ്രീൻഫീൽഡ് പ്ലാന്റ് സ്ഥാപിക്കാനുള്ള നടപടികളിലാണ്.
സിപ്കോട്ട് ഇല്ലുപ്പൈക്കുടി വ്യവസായ പാർക്കിൽ 5300 കോടി രൂപ ചെലവിലാണ് നിർമ്മാണ യൂണിറ്റ് ഒരുങ്ങുന്നത്. ഈ പദ്ധതി പൂർത്തിയാകുന്നതോടെ 1000 പേർക്ക് നേരിട്ട് തൊഴിൽ ലഭിക്കുമെന്നാണ് പ്രതീക്ഷിക്കുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
