തെലങ്കാനയിലെ രംഗാ റെഡ്ഡി സ്വദേശിയായ **രാജ് കുമാർ** (35) എന്നയാൾ ആത്മഹത്യ ചെയ്ത നിലയിൽ കണ്ടെത്തി. പോക്സോ കേസിലെ പ്രതിയായ ഇയാൾ, ആറുപേരെ കൊലപ്പെടുത്തിയ ശേഷം ഒളിവിൽ കഴിയുകയായിരുന്നു.
സംഭവത്തിന് ശേഷം 60 മണിക്കൂറുകൾക്ക് ശേഷമാണ് രംഗാ റെഡ്ഡിയിലെ പൻജർല ഗ്രാമത്തിൽ നിന്നും ഇയാളുടെ മൃതദേഹം കണ്ടെടുത്തത്. മൃതദേഹം **രാജ് കുമാർ** തന്നെയാണെന്ന് പോലീസ് കമ്മിഷണർ **തരുൺ ജോഷി** ഔദ്യോഗികമായി സ്ഥിരീകരിച്ചു.
മൃതദേഹത്തിന് സമീപത്തുനിന്ന് കീടനാശിനി കുപ്പി ലഭിച്ചതിനാൽ, പ്രതി വിഷം കഴിച്ച് ആത്മഹത്യ ചെയ്തതായാണ് പ്രാഥമിക നിഗമനം. പ്രതിക്കായി തിരച്ചിൽ തുടരുന്നതിനിടെ, ഗ്രാമത്തിൽ അജ്ഞാത മൃതദേഹം കണ്ടതിനെത്തുടർന്ന് നാട്ടുകാർ പോലീസിൽ വിവരം അറിയിക്കുകയായിരുന്നു.
വെള്ളിയാഴ്ചയാണ് ദാരുണമായ കൊലപാതകങ്ങൾ അരങ്ങേറിയത്. തനിക്കെതിരെ പോക്സോ നിയമപ്രകാരം പരാതി നൽകിയ പതിനേഴുകാരിയുടെ വീട്ടിലെത്തിയ **രാജ് കുമാർ**, ആദ്യം പെൺകുട്ടിയുടെ അമ്മയെയും മുത്തശ്ശിയെയും കൊലപ്പെടുത്തി.
തുടർന്ന് പെൺകുട്ടിയെ കാറിൽ തട്ടിക്കൊണ്ടുപോയി തടാകക്കരയിൽ വെച്ച് കുത്തിക്കൊലപ്പെടുത്തി. ഇതിന് പിന്നാലെ സ്വന്തം വീട്ടിലെത്തിയ പ്രതി, ഭാര്യ **പാർവതി** (30), നാല് വയസ്സും ഒന്നര വയസ്സും പ്രായമുള്ള രണ്ട് മക്കൾ എന്നിവരെയും കൊലപ്പെടുത്തുകയായിരുന്നു.
ആറുപേരെ കൊലപ്പെടുത്തിയ വിവരം ഇയാൾ തന്റെ പിതാവിനെ വിളിച്ച് അറിയിച്ചതിന് പിന്നാലെ ഫോൺ സ്വിച്ച് ഓഫ് ചെയ്തു മുങ്ങുകയായിരുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
