ദിവസവും അത്താഴത്തിന് ശേഷം വെറും പത്ത് മിനിറ്റ് നടക്കുന്നത് ശീലമാക്കുന്നത് ആരോഗ്യത്തിന് വലിയ ഗുണങ്ങൾ നൽകുമെന്ന് ഗവേഷകർ ചൂണ്ടിക്കാട്ടുന്നു. ദഹനപ്രക്രിയ കാര്യക്ഷമമാക്കുന്നതിനും ശരീരഭാരം നിയന്ത്രിക്കുന്നതിനും ഈ ചെറിയ വ്യായാമം സഹായിക്കുന്നു.
ദഹനവ്യവസ്ഥയിലെ ഗുണങ്ങൾ
ഭക്ഷണം കഴിച്ച ഉടൻ നടക്കുന്നത് ആമാശയത്തിൽ നിന്ന് ഭക്ഷണം കുടലിലേക്ക് നീങ്ങുന്ന പ്രക്രിയയെ വേഗത്തിലാക്കുന്നു. ഇത് മലബന്ധം, വയർ വീർക്കൽ, അസിഡിറ്റി തുടങ്ങിയ ബുദ്ധിമുട്ടുകൾ കുറയ്ക്കാൻ സഹായിക്കുന്നു.
ശരീരത്തിൽ അമിത സമ്മർദ്ദം ചെലുത്താതെ തന്നെ ദഹനവ്യവസ്ഥയെ സുഗമമായി പ്രവർത്തിക്കാൻ ഈ ലഘു നടത്തം പ്രാപ്തമാക്കുന്നു. രക്തത്തിലെ പഞ്ചസാരയുടെ അളവ്
രക്തത്തിലെ പഞ്ചസാരയുടെ അളവ് ക്രമീകരിക്കുന്നതിൽ ഈ ശീലത്തിന് വലിയ പങ്കുണ്ട്.
ഭക്ഷണം കഴിച്ച ശേഷം വിശ്രമിക്കുന്നതിനേക്കാൾ ഗുണകരം പത്ത് മിനിറ്റ് നടക്കുക എന്നതാണ്. ഇത് രക്തത്തിലെ ഗ്ലൂക്കോസിന്റെ അളവ് പെട്ടെന്ന് ഉയരുന്നത് തടയുന്നു.
അത്താഴത്തിന് ശേഷം വ്യായാമങ്ങളില്ലാതെ ഉറങ്ങുന്നത് പൊണ്ണത്തടിയിലേക്കും രക്തത്തിലെ ഗ്ലൂക്കോസ് വർധനയിലേക്കും നയിച്ചേക്കാം. ഉറക്കവും ആരോഗ്യവും
രാത്രിഭക്ഷണത്തിന് ശേഷം അല്പസമയം നടക്കുന്നത് ശരീരത്തിന് ഉന്മേഷം നൽകുന്നതിനൊപ്പം ദഹനവും മെച്ചപ്പെടുത്തുന്നു.
ഇത് വേഗത്തിൽ ഉറക്കം ലഭിക്കാനും സഹായിക്കുന്നു. ഉറക്കക്കുറവ് അനുഭവിക്കുന്നവർക്ക് പരീക്ഷിക്കാവുന്ന ലളിതമായ ഒരു മാർഗ്ഗമാണിത്.
യൂണിവേഴ്സിറ്റി ഓഫ് ഒടാഗോയിലെ ഗവേഷകരാണ് ഇത് സംബന്ധിച്ച പഠനം നടത്തിയത്. ഈ വിവരങ്ങൾ ഗ്യാസ്ട്രോഎൻട്രോളജിസ്റ്റായ സൗരഭ് സേത്തി (Saurabh Sethi) തന്റെ സമൂഹമാധ്യമങ്ങളിലൂടെ പങ്കുവെച്ചിട്ടുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
