കേരള പബ്ലിക് സർവീസ് കമ്മിഷൻ (പിഎസ്സി) നടത്തുന്ന പരീക്ഷകളുടെ മൂല്യനിർണയവുമായി ബന്ധപ്പെട്ട് ഉയർന്നുവരുന്ന ആരോപണങ്ങളിൽ ഉന്നതതല അന്വേഷണം ആവശ്യപ്പെട്ട് കെപിസിസി അംഗം ജെ.എസ്.അഖിൽ രംഗത്ത്. ഇതുമായി ബന്ധപ്പെട്ട് അദ്ദേഹം മുഖ്യമന്ത്രി, ആഭ്യന്തര മന്ത്രി രമേശ് ചെന്നിത്തല, വിജിലൻസ് ഡയറക്ടർ മനോജ് എബ്രഹാം എന്നിവർക്ക് പരാതി സമർപ്പിച്ചു.
പരീക്ഷാ മൂല്യനിർണയത്തിലും റാങ്ക് ലിസ്റ്റ് തയ്യാറാക്കുന്നതിലും വലിയ തോതിലുള്ള ക്രമക്കേടുകൾ നടക്കുന്നതായി പരാതിയിൽ ചൂണ്ടിക്കാട്ടുന്നു. “ലക്ഷക്കണക്കിന് ഉദ്യോഗാർഥികളുടെ ഭാവി വച്ചാണ് പിഎസ്സി ഒത്തുകളിക്കുന്നതെന്നും ഇതിനു പിന്നിലെ അഴിമതിയെക്കുറിച്ച് സമഗ്രമായ അന്വേഷണം വേണമെന്നും” ജെ.എസ്.അഖിൽ ആവശ്യപ്പെട്ടു.
യോഗ്യരായ ഉദ്യോഗാർഥികളെ തഴഞ്ഞ് താൽപര്യമുള്ളവരെ നിയമിക്കാൻ ചില ഉദ്യോഗസ്ഥർ ബോധപൂർവം ശ്രമിക്കുന്നുണ്ടെന്ന സംശയം പരാതിയിൽ ബലപ്പെടുത്തുന്നു. കഠിനാധ്വാനം ചെയ്യുന്ന ആയിരക്കണക്കിന് ഉദ്യോഗാർഥികളുടെ വിശ്വാസത്തിന് മങ്ങലേൽപ്പിക്കുന്ന തരത്തിലാണ് പിഎസ്സിയുടെ നിലവിലെ പ്രവർത്തനങ്ങൾ മുന്നോട്ട് പോകുന്നത്.
സ്ഥാപനത്തിന്റെ വിശ്വാസ്യത തിരിച്ചുപിടിക്കാനും ഉദ്യോഗാർഥികൾക്ക് നീതി ഉറപ്പാക്കാനും അടിയന്തരമായി ഉന്നതതല അന്വേഷണം പ്രഖ്യാപിക്കണമെന്നും അദ്ദേഹം ആവശ്യപ്പെട്ടു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
