മുഖ്യമന്ത്രിയുടെ ദുരിതാശ്വാസ നിധിയിൽ (CMDRF) നിന്ന് കോടികൾ വകമാറ്റിയെന്നാരോപിച്ച് പുറത്തുവന്ന കൺട്രോളർ ആൻഡ് ഓഡിറ്റർ ജനറൽ (CAG) റിപ്പോർട്ടിനെതിരെ രൂക്ഷ വിമർശനവുമായി മുഖ്യമന്ത്രി പിണറായി വിജയൻ രംഗത്തെത്തി. പുറത്തുവന്ന റിപ്പോർട്ട് വസ്തുതാപരമായ യാഥാർത്ഥ്യങ്ങൾ ഉൾക്കൊള്ളാത്തതാണെന്ന് അദ്ദേഹം ചൂണ്ടിക്കാട്ടി.
ദുരിതാശ്വാസ നിധി പൂർണമായും സുരക്ഷിതമാണെന്ന് വ്യക്തമാക്കിയ മുഖ്യമന്ത്രി, ഈ വിഷയത്തിൽ ജനങ്ങൾ കൃത്യമായ യാഥാർത്ഥ്യം തിരിച്ചറിയണമെന്നും ആവശ്യപ്പെട്ടു. സിഎജി റിപ്പോർട്ട് രാഷ്ട്രീയ ലാഭത്തിനായി ദുരുപയോഗം ചെയ്യുകയാണെന്ന് അദ്ദേഹം ആരോപിച്ചു.
ദുരിതാശ്വാസ നിധിയുടെ വിശ്വാസ്യത തകർക്കുകയെന്ന ലക്ഷ്യത്തോടെയുള്ള ബോധപൂർവമായ ശ്രമമാണ് ഇതിന് പിന്നിലെന്ന് പിണറായി വിജയൻ വ്യക്തമാക്കി. ധനസഹായമായി നൽകിയ തുകകളിൽ നിന്ന് തിരിച്ചെടുത്ത ഫണ്ടുകൾ അടുത്ത സാമ്പത്തിക വർഷത്തിന്റെ ആദ്യ വാരത്തിൽ തന്നെ വീണ്ടും അനുവദിച്ച (Re-allocate) വിവരം ഓഡിറ്റ് സംഘം തന്നെ കണ്ടെത്തിയിട്ടുണ്ടെന്നും മുഖ്യമന്ത്രി ഓർമ്മിപ്പിച്ചു.
ഇത്തരം വസ്തുതകൾ അവഗണിച്ചുകൊണ്ട് നടത്തുന്ന പ്രചരണങ്ങൾ അടിസ്ഥാനരഹിതമാണെന്നാണ് സർക്കാർ നിലപാട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
