യാത്രകളിൽ സംഗീതാനുഭവം ഇനി കൂടുതൽ ലളിതം: ആൻഡ്രോയിഡ് ഓട്ടോയിൽ ജെമിനി സേവനം എങ്ങനെ പ്രയോജനപ്പെടുത്താം

വാഹനമോടിക്കുമ്പോൾ ഡ്രൈവർമാർക്ക് ഏറ്റവും കൂടുതൽ ശ്രദ്ധാശൈഥില്യം ഉണ്ടാക്കുന്ന ഒന്നാണ് ആഗ്രഹിക്കുന്ന ഗാനങ്ങൾ തിരയുക എന്നത്. ഈ പ്രശ്നത്തിന് ശാശ്വത പരിഹാരവുമായി ഗൂഗിളിന്റെ ജെമിനി (Gemini) ഇപ്പോൾ ആൻഡ്രോയിഡ് ഓട്ടോയിൽ ലഭ്യമായിരിക്കുന്നു.

യൂട്യൂബ് മ്യൂസിക്കുമായി ജെമിനിയെ ബന്ധിപ്പിക്കുന്നതിലൂടെ, ഡ്രൈവിങ്ങിനിടയിൽ റോഡിൽ നിന്ന് ശ്രദ്ധ മാറ്റാതെ തന്നെ ഇഷ്ടഗാനങ്ങൾ ആസ്വദിക്കാൻ സാധിക്കും. സജ്ജീകരണം ഇങ്ങനെ ആൻഡ്രോയിഡ് ഓട്ടോയിൽ ജെമിനി ഉപയോഗിക്കുന്നതിനായി ഉപയോക്താക്കൾ ആദ്യം തങ്ങളുടെ ഫോണിലെ ഡിജിറ്റൽ അസിസ്റ്റന്റായി ജെമിനിയെ മാറ്റണം.

ഇതിനായി ജെമിനി ആപ്പിലെ ക്രമീകരണങ്ങളിൽ (Settings) പ്രവേശിച്ച് Digital assistants from Google എന്ന വിഭാഗത്തിൽ നിന്നും ഗൂഗിൾ അസിസ്റ്റന്റിന് പകരം ജെമിനിയെ തിരഞ്ഞെടുക്കണം. തുടർന്ന്, ആപ്പിലെ Connected Apps എന്ന മെനുവിൽ പോയി യൂട്യൂബ് മ്യൂസിക് ടോഗിൾ ഓൺ ചെയ്യണം.

ഇതോടെ കാറിലെ ഡാഷ്ബോർഡിൽ ജെമിനി സജീവമാകും. വ്യക്തിഗത ഡിജെ ആയി ജെമിനി ഗാനങ്ങളുടെ പേരോ കലാകാരന്മാരുടെ പേരോ കൃത്യമായി ഓർമ്മയില്ലാത്ത സാഹചര്യങ്ങളിലും ജെമിനി മികച്ച രീതിയിൽ പ്രവർത്തിക്കുന്നു.

ഉദാഹരണത്തിന്, ‘ഒരു ലോങ് ഡ്രൈവിനായി നല്ല ഹോളിവുഡ് പാട്ടുകൾ വേണം’ എന്ന് പറഞ്ഞാൽ, ജെമിനി സ്വയം അനുയോജ്യമായ പ്ലേലിസ്റ്റുകൾ തയ്യാറാക്കി നൽകുന്നു. മാത്രമല്ല, കലാകാരന്മാരുടെ പേരോ സിനിമയുടെ പേരോ നൽകി ഗാനങ്ങൾ തിരയാനും ഇത് സഹായിക്കുന്നു.

സവിശേഷതകൾ പഴയ വോയിസ് അസിസ്റ്റന്റുകളിൽ നിന്ന് വ്യത്യസ്തമായി, സന്ദർഭത്തിനനുസരിച്ചുള്ള ചോദ്യങ്ങളെ മനസ്സിലാക്കാൻ ജെമിനിക്ക് പ്രത്യേക കഴിവുണ്ട്. കൃത്യമായ ഗാനത്തിന്റെ പേര് ഓർമ്മയില്ലെങ്കിൽ പോലും, സിനിമയുടെ പേരോ അല്ലെങ്കിൽ ഗാനം ഉൾപ്പെട്ട

സന്ദർഭമോ പറഞ്ഞാൽ പോലും ജെമിനി അത് കൃത്യമായി കണ്ടെത്തുന്നു. ഉദാഹരണത്തിന്, ‘ധുരന്ധർ സിനിമയിലെ ആ സോനു നിഗം പാട്ട്’ എന്ന് ചോദിച്ചാൽ ജെമിനി അത് വേഗത്തിൽ കണ്ടെത്തി പ്ലേ ചെയ്യുന്നു.

കൂടാതെ, ഒരു ഗാനത്തിന്റെ സ്റ്റുഡിയോ പതിപ്പിന് പകരം തത്സമയ പ്രകടനങ്ങൾ (Live versions) വേണമെന്നുള്ള ഉപയോക്താവിന്റെ ആവശ്യങ്ങളും ഇത് നിറവേറ്റുന്നു. യാത്രകളിൽ ശ്രദ്ധ ചിതറാതെ, സുരക്ഷിതമായും എളുപ്പത്തിലും തങ്ങൾക്ക് ഇഷ്ടപ്പെട്ട

സംഗീതം ആസ്വദിക്കാൻ ഈ സേവനം സഹായിക്കുമെന്ന് ഉപയോക്താക്കൾ സാക്ഷ്യപ്പെടുത്തുന്നു. സങ്കീർണ്ണമായ മെനുകളിലൂടെ സഞ്ചരിക്കാതെ വോയിസ് കമാൻഡുകൾ വഴി ഡ്രൈവിംഗ് അനുഭവം കൂടുതൽ മികച്ചതാക്കാൻ ജെമിനിയിലൂടെ സാധിക്കുന്നു.