തിരുവനന്തപുരം നെടുമങ്ങാട് ഒന്നര വയസ്സുകാരൻ കൊല്ലപ്പെട്ട സംഭവത്തിൽ ദുരൂഹത വർധിപ്പിക്കുന്ന നിർണായക തെളിവുകൾ പുറത്തുവന്നു.
കുഞ്ഞ് നിരന്തരം ക്രൂരമായ ശാരീരിക പീഡനങ്ങൾക്ക് ഇരയായിരുന്നെന്ന വിവരം പ്രതിയായ അഖിലയുടെ അമ്മ റീന, ചൈൽഡ് പ്രൊട്ടക്ഷൻ യൂണിറ്റിനെ (DCPU) മുൻകൂട്ടി അറിയിച്ചിരുന്നുവെന്നാണ് പുറത്തുവന്ന ശബ്ദസന്ദേശം വ്യക്തമാക്കുന്നത്. കുഞ്ഞിന്റെ കൈ ഒടിഞ്ഞതിനെത്തുടർന്ന് അസ്വസ്ഥയായ റീന, ഇത് സംബന്ധിച്ച വിവരങ്ങൾ അധികൃതരെ ഫോണിലൂടെ അറിയിക്കുകയായിരുന്നു.
മെയ് 3-നാണ് സംഭവം ശ്രദ്ധയിൽപ്പെട്ടതിനെത്തുടർന്ന് റീന ചൈൽഡ് പ്രൊട്ടക്ഷൻ യൂണിറ്റിലേക്ക് വിളിക്കുന്നത്. എന്നാൽ, കൃത്യമായ വിവരം ലഭിച്ചിട്ടും ഡിസിപിയു അധികൃതർ യാതൊരുവിധത്തിലുള്ള നടപടികളും സ്വീകരിച്ചില്ലെന്ന് ആരോപണം ഉയരുന്നു.
ഈ സംഭവത്തിന് ശേഷം മെയ് 23-നാണ് കുഞ്ഞ് ക്രൂരമായി കൊലപ്പെടുന്നത്. അധികൃതരുടെ ഭാഗത്തുനിന്നുണ്ടായ ഈ അനാസ്ഥയാണ് ദാരുണമായ അന്ത്യത്തിലേക്ക് നയിച്ചതെന്ന വികാരം ശക്തമാണ്.
കേസിൽ നിർണായകമായ ഈ ഫോൺ സംഭാഷണം പുറത്തുവന്നതോടെ അന്വേഷണം കൂടുതൽ വ്യാപിപ്പിക്കാനാണ് സാധ്യത.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
