രാജ്യതലസ്ഥാനമായ ദില്ലിയിലെ തുഗ്ലക്കാബാദ് എക്സ്റ്റന്ഷനില് ഉണ്ടായ വന് തീപിടുത്തത്തില് മൂന്നുപേര്ക്ക് ദാരുണാന്ത്യം. ഇന്ന് പുലര്ച്ചെയാണ് നാടിനെ നടുക്കിയ ഈ ദുരന്തം സംഭവിച്ചത്.
സൗത്ത് ഈസ്റ്റ് ദില്ലിയിലെ മധ്യം മാർഗ്ഗിലെ ‘നയാ താര’ അപ്പാർട്ട്മെന്റിന് സമീപം സ്ഥിതി ചെയ്യുന്ന ഗലി നമ്പർ ഒന്നിലെ അഞ്ച് നില കെട്ടിടത്തിലാണ് അഗ്നിബാധയുണ്ടായത്. തീപിടുത്തത്തിന്റെ പശ്ചാത്തലം
പുലര്ച്ചെ ഏകദേശം 2.30 മണിയോടെയാണ് അഗ്നിശമന സേനയ്ക്ക് ഇത് സംബന്ധിച്ച വിവരം ലഭിക്കുന്നത്.
പ്രാഥമിക അന്വേഷണ റിപ്പോര്ട്ടുകള് പ്രകാരം കെട്ടിടത്തിന്റെ ഗ്രൗണ്ട് ഫ്ലോറിലുള്ള പാര്ക്കിംഗ് ഏരിയയില് നിന്നാണ് തീ ആളിപ്പടര്ന്നത്. ഇവിടെ പാര്ക്ക് ചെയ്തിരുന്ന മൂന്ന് സ്കൂട്ടറുകളും, രണ്ട് മോട്ടോർ സൈക്കിളുകളും, ഒരു സൈക്കിളും പൂര്ണ്ണമായും കത്തിനശിച്ചു.
വാഹനങ്ങളില് നിന്ന് ഉയര്ന്ന കനത്ത വിഷപ്പുക ഗോവണികളിലൂടെ കെട്ടിടത്തിന്റെ മുകളിലത്തെ നിലകളിലേക്ക് അതിവേഗം വ്യാപിച്ചതാണ് ദുരന്തത്തിന്റെ ആഘാതം വര്ദ്ധിപ്പിച്ചത്. ഉറക്കത്തിലായിരുന്ന താമസക്കാര്ക്ക് പുറത്തിറങ്ങാന് സാധിക്കാതെ കെട്ടിടത്തിനുള്ളില് കുടുങ്ങിപ്പോകുകയായിരുന്നു.
രക്ഷാപ്രവര്ത്തനം
കെട്ടിടം സ്ഥിതി ചെയ്യുന്ന പ്രദേശം വളരെ ഇടുങ്ങിയതായതിനാല് ഫയര് എഞ്ചിനുകള്ക്ക് എത്തിച്ചേരാന് വലിയ പ്രയാസം നേരിട്ടു. എങ്കിലും ദില്ലി ഫയർ സർവീസിന്റെ നേതൃത്വത്തില് അതിവേഗത്തിലുള്ള ഇടപെടലിലൂടെ രക്ഷാപ്രവര്ത്തനം ഏകോപിപ്പിച്ചു.
പുക കാരണം പുറത്തിറങ്ങാന് കഴിയാതെ ടെറസിലേക്ക് മാറിയ രണ്ട് പെണ്കുട്ടികളെ ഉള്പ്പെടെ ആറ് പേരെ അഗ്നിശമന സേനാംഗങ്ങള് നേരിട്ട് രക്ഷപ്പെടുത്തി. പരിക്കേറ്റ എട്ടോളം പേരെ ഉടന് തന്നെ ആംബുലന്സുകളില് എയിംസ് ട്രോമ സെന്ററിലേക്ക് മാറ്റിയിട്ടുണ്ട്.
പുലര്ച്ചെ 3.45 ഓടെ തീ പൂര്ണ്ണമായും നിയന്ത്രണവിധേയമാക്കാനും, 4.00 മണിയോടെ അഗ്നിശമന പ്രവര്ത്തനങ്ങള് അവസാനിപ്പിക്കാനും സാധിച്ചു. കെട്ടിടത്തിന്റെ താഴത്തെ മൂന്ന് നിലകള്ക്ക് വലിയ നാശനഷ്ടങ്ങളാണ് സംഭവിച്ചിട്ടുള്ളത്.
ഷോർട്ട് സർക്യൂട്ടാണോ അതോ മറ്റേതെങ്കിലും സാഹചര്യമാണോ അപകടത്തിന് വഴിയൊരുക്കിയതെന്ന് കണ്ടെത്താന് ദില്ലി പൊലീസ് വിശദമായ അന്വേഷണം ആരംഭിച്ചിട്ടുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
