ആന്ധ്രാപ്രദേശിലെ വിശാഖപട്ടണത്തുള്ള സ്റ്റീൽ ഫാക്ടറിയിൽ ഉണ്ടായ വൻ സ്ഫോടനത്തിൽ എട്ട് തൊഴിലാളികൾക്ക് ദാരുണാന്ത്യം. അപകടത്തിൽ നിരവധി പേർക്ക് ഗുരുതരമായി പരിക്കേറ്റിട്ടുണ്ട്.
പ്ലാന്റിലെ സ്റ്റീൽ ഉരുക്കുന്ന വിഭാഗത്തിലാണ് അതീവ ദൗർഭാഗ്യകരമായ ഈ സംഭവം റിപ്പോർട്ട് ചെയ്യപ്പെട്ടത്. പ്രവർത്തനത്തിനിടെ സംഭവിച്ച വീഴ്ച
സ്റ്റീൽ പ്ലാന്റിലെ എസ്എംഎസ്-2, എസ്ടിസി-3 ഹീറ്റ് ഫെസിലിറ്റിയിലാണ് അപകടം നടന്നത്.
ഏകദേശം 1,600 ഡിഗ്രി സെൽഷ്യസ് താപനിലയിലുള്ള ദ്രാവക രൂപത്തിലുള്ള ഉരുക്ക് ക്രെയിൻ ഉപയോഗിച്ച് ഉയർത്തുന്നതിനിടെയാണ് അപ്രതീക്ഷിതമായി ലാഡിൽ പൊട്ടിത്തെറിച്ചത്. ഇതിനെത്തുടർന്ന് ഉരുകിയ നിലയിലുള്ള സ്റ്റീൽ വലിയ അളവിൽ ചോർന്നൊലിക്കുകയും അത് തൊഴിലാളികൾക്ക് മേൽ പതിക്കുകയുമായിരുന്നു.
ഉയർന്ന താപനിലയിൽ പ്രവർത്തിക്കുന്ന ഈ മേഖലയിൽ ഉണ്ടായ സ്ഫോടനം വലിയ നാശനഷ്ടങ്ങൾക്കും ജീവഹാനിക്കും കാരണമായി. പരിക്കേറ്റവരെ ഉടൻ തന്നെ ചികിത്സയ്ക്കായി ആശുപത്രിയിലേക്ക് മാറ്റിയതായി അധികൃതർ അറിയിച്ചു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
