സിപിഎം ആലപ്പുഴ മുൻ ജില്ലാ സെക്രട്ടറിയും സംസ്ഥാന സമിതി അംഗവുമായ സി.ബി. ചന്ദ്രബാബു, മുതിർന്ന നേതാവും മുൻ മന്ത്രിയുമായ ജി.
സുധാകരനെതിരെ അതീവ ഗുരുതരമായ ആരോപണങ്ങളുമായി രംഗത്ത്. താൽപ്പര്യങ്ങൾ സംരക്ഷിക്കാൻ ഏതറ്റം വരെയും പോകാൻ മടിയില്ലാത്ത ‘അഭിനവ പാഷാണം വർക്കി’യാണ് സുധാകരൻ എന്ന് അദ്ദേഹം ഫെയ്സ്ബുക്ക് കുറിപ്പിലൂടെ വിമർശിച്ചു.
പാർട്ടിക്കുള്ളിലെ ഭിന്നതകൾ
പിണറായി വിജയനെ അധിക്ഷേപിക്കുന്ന തരത്തിലുള്ള സുധാകരന്റെ പരാമർശങ്ങൾ തികഞ്ഞ വിടുവായത്തമാണെന്നും, അത് പാർട്ടി അച്ചടക്കം ലംഘിക്കുന്നതാണെന്നും ചന്ദ്രബാബു ചൂണ്ടിക്കാട്ടി. “പിണറായി വിജയനെ വിമർശിക്കാം.
പക്ഷെ നനഞ്ഞ കോഴി എന്നൊക്കെ പറഞ്ഞ് ആക്ഷേപിക്കുന്നത് അധികപ്രസംഗമാണ്. ഇത് ചുട്ട
മറുപടി അർഹിക്കുന്ന വിടുവായത്തരമാണ്. അപ്പോൾ കാണുന്നവനെ അപ്പ എന്ന് വിളിക്കുന്ന സുധാകരസ്വഭാവം, എല്ലാം തുറന്ന് പറയാൻ പാർട്ടി അച്ചടക്കം അനുവദിക്കാത്തത് കൊണ്ടാണ്,” എന്ന് അദ്ദേഹം വ്യക്തമാക്കി.
സാമ്പത്തിക ആരോപണങ്ങൾ
സുധാകരന്റെ അഴിമതി വിരുദ്ധ പ്രതിച്ഛായ വെറും തട്ടിപ്പാണെന്ന് ചന്ദ്രബാബു ആരോപിച്ചു. “തിരഞ്ഞെടുപ്പിൽ ആരോടും ഞാൻ പണം ചോദിക്കാറില്ല എന്നാണ് സുധാകരൻ പറയുന്നത്.
അങ്ങനെയെങ്കിൽ 2021ൽ സ്ഥാനാർഥിത്വം കിട്ടുമെന്ന് കരുതി അരൂർ ഭാഗത്ത് ദിവസങ്ങളോളം ഒരു പ്ലഗിന്റെ കൂടെ ഓടി നടന്ന് കയറ്റുമതിക്കാരിൽ നിന്നും മറ്റും ശേഖരിച്ച പണം ഏതു കണക്കിൽ വരും. പിരിച്ചതിനു രസിത് പോലും കൊടുത്തില്ലല്ലോ,” എന്ന് അദ്ദേഹം ചോദിച്ചു.
കെ.ആർ. ഗൗരിയമ്മ അരൂർ എംഎൽഎ ആയിരുന്ന കാലത്ത് പാർട്ടി ആവശ്യത്തിനായി സ്വീകരിച്ച തുക സുതാര്യമായി തിരിച്ചേൽപ്പിച്ച ചരിത്രം ഓർമ്മിപ്പിച്ച ചന്ദ്രബാബു, സുധാകരൻ സ്ഥാനാർഥി അല്ലാതായപ്പോൾ പിരിച്ച തുകയുടെ അവസ്ഥയെന്ത് എന്ന ചോദ്യവും ഉന്നയിച്ചു.
രാഷ്ട്രീയ നിലപാടുകളിലെ മാറ്റം
നേരത്തെ മുസ്ലിം ലീഗിനെ ‘മലപ്പുറത്തെ ഒരു തരം ലീക്ക്’ എന്ന് വിശേഷിപ്പിച്ചിരുന്ന സുധാകരൻ, ഇപ്പോൾ ലീഗിനെ മതേതര പാർട്ടിയായി കാണുന്നത് അവസരവാദമാണെന്ന് ചന്ദ്രബാബു വിമർശിച്ചു. “എത്ര പെട്ടെന്നാണ് ലീഗ് മതേതര പാർട്ടിയായത്.
ആ പാർട്ടിയുമായി തെറ്റുന്ന ഒരു ഘട്ടം വന്നാൽ അപ്പോൾ കാണാം,” എന്നും അദ്ദേഹം കൂട്ടിച്ചേർത്തു. 1991ലെ കോഴിക്കോട് പാർട്ടി സംസ്ഥാന സമ്മേളനം മുതലുള്ള സുധാകരന്റെ അവസരവാദപരമായ രാഷ്ട്രീയ ശൈലി തനിക്ക് നേരിട്ട് ബോധ്യപ്പെട്ടതാണെന്നും ചന്ദ്രബാബു ഫെയ്സ്ബുക്ക് കുറിപ്പിലൂടെ വ്യക്തമാക്കി.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
