ഷോപ്പിംഗിന് ഇനി കൂടെ ഒരാൾ; പുതിയ സേവനവുമായി ‘കാരിമെൻ’ ശ്രദ്ധേയമാകുന്നു

നഗരങ്ങളിലെ തിരക്കേറിയ ഷോപ്പിംഗ് അനുഭവങ്ങൾ കൂടുതൽ സുഗമമാക്കാൻ ലക്ഷ്യമിട്ട് ഡൽഹി ആസ്ഥാനമായി പ്രവർത്തിക്കുന്ന ഒരു സ്റ്റാർട്ടപ്പ് രംഗത്തെത്തിയിരിക്കുന്നു. കാരിമെൻ (CarryMen) എന്ന കമ്പനി അവതരിപ്പിച്ചിരിക്കുന്ന ‘ഷോപ്പിംഗ് അസിസ്റ്റൻസ് സർവീസ്’ നിലവിൽ സമൂഹമാധ്യമങ്ങളിൽ വലിയ ചർച്ചകൾക്കാണ് വഴിതുറന്നിരിക്കുന്നത്.

ഷോപ്പിംഗ് ബാഗുകൾ കൈകാര്യം ചെയ്യുക, തിരക്കേറിയ സ്ഥലങ്ങളിൽ ക്യൂവിൽ നിൽക്കുക, ഉപഭോക്താക്കൾക്ക് വിശ്രമിക്കാൻ സൗകര്യമൊരുക്കുക തുടങ്ങിയ സേവനങ്ങളാണ് ഈ സ്റ്റാർട്ടപ്പ് വാഗ്ദാനം ചെയ്യുന്നത്. നിലവിൽ ഡൽഹിയിലെ ലജ്‍പത് ന​ഗറിലാണ് ഈ സേവനം ലഭ്യമാക്കിയിരിക്കുന്നത്.

പരിശീലനം ലഭിച്ച അസിസ്റ്റന്റുകളെ ഉപയോഗിച്ച് ഉപഭോക്താക്കളുടെ ഷോപ്പിംഗ് അനുഭവം സമ്മർദ്ദരഹിതമാക്കുക എന്നതാണ് ഈ സംരംഭത്തിന്റെ പ്രധാന ലക്ഷ്യമെന്ന് കമ്പനി വ്യക്തമാക്കുന്നു. സേവന നിരക്കും പ്രവർത്തനരീതിയും
ഏറ്റവും കുറഞ്ഞത് 30 മിനിറ്റ് മുതൽ പരമാവധി നാല് മണിക്കൂർ വരെ നീളുന്ന സേവനങ്ങളാണ് കാരിമെൻ വാഗ്ദാനം ചെയ്യുന്നത്.

30 മിനിറ്റ് ദൈർഘ്യമുള്ള സേവനത്തിനായി 149 രൂപയാണ് ഈടാക്കുന്നത്. ഇതിൽ ഇളവുകളും ലഭ്യമാണ്.

ഇക്കാര്യത്തെക്കുറിച്ച് ഖുഷ് മഹാജൻ (Khush Mahajan) സോഷ്യൽ മീഡിയയിൽ പങ്കുവെച്ച കുറിപ്പിൽ ഇപ്രകാരം പറയുന്നു: “In Lajpat, you can now pay ₹149/hr for someone to carry your bags, wait in food queues, walk you to the metro, find you a place to sit, and even set up a foldable chair.interesting biz !!” മേയ് 23, 2026-ൽ പങ്കുവെക്കപ്പെട്ട ഈ വിവരങ്ങൾ വലിയ തോതിലുള്ള പ്രതികരണങ്ങളാണ് ഉണ്ടാക്കിയത്.

ഉപഭോക്താക്കളെ സഹായിക്കുന്ന ഇത്തരം പുതിയ ബിസിനസ് ആശയങ്ങളെ അനുകൂലിച്ചും വിമർശിച്ചും നിരവധി പേർ രംഗത്തെത്തിയിട്ടുണ്ട്. തിരക്കേറിയ ഷോപ്പിംഗ് കേന്ദ്രങ്ങളിൽ ബാഗുകൾ വഹിക്കാനും ക്യൂവിൽ നിൽക്കാനും മറ്റും സഹായികളെ നിയമിക്കാനുള്ള ഈ ആശയം വരുംദിവസങ്ങളിൽ കൂടുതൽ നഗരങ്ങളിലേക്ക് വ്യാപിക്കുമോ എന്നത് കാത്തിരുന്ന് കാണേണ്ടതാണ്.