തെക്കുപടിഞ്ഞാറൻ കാലവർഷം പ്രതീക്ഷിച്ചതിലും അല്പം വൈകി മൂന്ന് ദിവസത്തിനുള്ളിൽ കേരളത്തിൽ പ്രവേശിക്കുമെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. നേരത്തെ മെയ് 27-ഓടെ കാലവർഷം എത്തുമെന്നായിരുന്നു പ്രവചനം ഉണ്ടായിരുന്നത്.
ബംഗാൾ ഉൾക്കടൽ മുതൽ തെക്കുകിഴക്കൻ അറബിക്കടൽ വരെ നിലനിൽക്കുന്ന ന്യൂനമർദപ്പാത്തിയുടെ സ്വാധീനം മൂലം വരും ദിവസങ്ങളിൽ സംസ്ഥാനത്തുടനീളം കാലാവസ്ഥാ വ്യതിയാനത്തിന് സാധ്യതയുണ്ട്. ഇതിന്റെ ഭാഗമായി മെയ് 29 വരെ കേരളത്തിലും മാഹിയിലും ഒറ്റപ്പെട്ട
ശക്തമായ മഴയ്ക്കും, ഇടിമിന്നലിനും, ശക്തമായ കാറ്റിനും സാധ്യതയുള്ളതായി അധികൃതർ വ്യക്തമാക്കി. പ്രതികൂല കാലാവസ്ഥ കണക്കിലെടുത്ത് മെയ് 26-ന് തിരുവനന്തപുരം, കൊല്ലം, ആലപ്പുഴ, എറണാകുളം എന്നീ നാല് ജില്ലകളിൽ കാലാവസ്ഥാ വകുപ്പ് യെലോ അലർട്ട് പ്രഖ്യാപിച്ചു.
പൊതുജനങ്ങൾ ജാഗ്രത പാലിക്കണമെന്നും കാലാവസ്ഥാ മുന്നറിയിപ്പുകൾ കർശനമായി ശ്രദ്ധിക്കണമെന്നും നിർദ്ദേശമുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
