ഇറാൻ-ഇസ്രയേൽ സംഘർഷം: സൈനിക നടപടിക്ക് സാധ്യതയുണ്ടെന്ന് മുന്നറിയിപ്പുമായി യുഎസ്; മധ്യസ്ഥ ചർച്ചകൾ തുടരുന്നു

ഇറാനുമായുള്ള സംഘർഷാവസ്ഥ പരിഹരിക്കാനുള്ള നയതന്ത്ര ശ്രമങ്ങൾ പരാജയപ്പെട്ടാൽ സൈനിക നടപടി സ്വീകരിക്കാൻ യുഎസ് ഭരണകൂടം തയ്യാറെടുക്കുന്നതായി റിപ്പോർട്ടുകൾ. നിലവിൽ പുരോഗമിക്കുന്ന മധ്യസ്ഥ ചർച്ചകളിൽ അന്തിമ തീരുമാനമായില്ലെങ്കിൽ, യുഎസ് പ്രസിഡന്റ് ഡോണൾ‍‍ഡ് ട്രംപ് ഇറാനെതിരെ സൈനിക നടപടിയിലേക്ക് നീങ്ങിയേക്കുമെന്ന് യുഎസ് മാധ്യമമായ ആക്സിയോസ് റിപ്പോർട്ട് ചെയ്യുന്നു.

ഈ സാഹചര്യത്തിന്റെ ഗൗരവം കണക്കിലെടുത്ത് പ്രസിഡന്റ് ട്രംപ് മുതിർന്ന ദേശീയ സുരക്ഷാ സംഘത്തിന്റെ അടിയന്തര യോഗം വിളിച്ചുചേർത്തു. വൈസ് പ്രസിഡന്റ് ജെ.ഡി.

വാൻസ്, പ്രതിരോധ സെക്രട്ടറി പീറ്റ് ഹെഗ്‌സെത്ത്, സിഐഎ ഡയറക്ടർ ജോൺ റാറ്റ്ക്ലിഫ്, വൈറ്റ് ഹൗസ് ചീഫ് ഓഫ് സ്റ്റാഫ് സുസി വെയ്ൽസ് എന്നിവർക്ക് പുറമെ മറ്റ് ഉന്നത ഉദ്യോഗസ്ഥരും നിർണായകമായ ഈ യോഗത്തിൽ പങ്കെടുത്തു. അതേസമയം, യുദ്ധസാഹചര്യം ഒഴിവാക്കുന്നതിനായുള്ള മധ്യസ്ഥ ശ്രമങ്ങൾ അന്താരാഷ്ട്ര തലത്തിൽ തുടരുകയാണ്.

ഇതിന്റെ ഭാഗമായി പാക്കിസ്ഥാൻ ചീഫ് ഓഫ് ഡിഫൻസ് ഫോഴ്സസ് അസിം മുനീർ നിലവിൽ ഇറാനിലുണ്ട്. ഇരു രാജ്യങ്ങളും തമ്മിലുള്ള ഭിന്നതകൾ പരിഹരിക്കാനുള്ള നിർണായകമായ അവസാന ഘട്ട

ശ്രമമായാണ് ഈ നീക്കത്തെ ഉദ്യോഗസ്ഥർ വിലയിരുത്തുന്നത്. ഖത്തറിൽ നിന്നുള്ള പ്രത്യേക പ്രതിനിധി സംഘവും ചർച്ചകൾക്കായി ഇറാനിൽ എത്തിയിട്ടുണ്ട്.