കൊല്‍ക്കത്ത: പശ്ചിമ ബംഗാളിലെ നാല് മുനിസിപ്പല്‍ കോര്‍പ്പറേഷനുകളിലേക്ക് നടന്ന തിരഞ്ഞെടുപ്പില്‍ തൃണമൂല്‍ കോണ്ഗ്രസിന് ഏകപക്ഷീയമായ ജയം.
അസന്‍സോള്‍, ബിധാനഗര്‍, ചന്ദാനഗര്‍, സില്‍ഗുരി എന്നീ മുനിസിപ്പല്‍ കോര്‍പ്പറേഷനുകളിലേക്ക് ശനിയാഴ്ചയാണ് വോട്ടെടുപ്പ് നടന്നത്. വോട്ടെണ്ണല്‍ അന്തിമ ഘട്ടത്തിലെത്തി നില്‍ക്കുമ്പോള്‍ നാല് മുനിസിപ്പല്‍ കോര്‍പ്പറേഷനുകളിലും തൃണമൂലിനാണ് ഭൂരിപക്ഷം.
47 സീറ്റുകളുള്ള സില്‍ഗുരിയില്‍ 35 ഇടങ്ങളിലാണ് വോട്ടെണ്ണി തീര്‍ന്നത്. ഇതില്‍ 31 സീറ്റിലും തൃണമൂല്‍ ജയിച്ചു. രണ്ടിടത്ത് ബി.ജെ.പിയും ഒരു സീറ്റില്‍ ഇടത് പാര്‍ട്ടികളും ഒരിടത്ത് കോണ്‍ഗ്രസുമാണ് ജയിച്ചത്. ബിധാനഗറില്‍ 41ല്‍ 39 സീറ്റിലും തൃണമൂല്‍ സ്ഥാനാര്‍ഥികള്‍ ജയിച്ചു. ഒരു സീറ്റ് കോണ്‍ഗ്രസിനും ഒരു സീറ്റ് സ്വതന്ത്രനും കിട്ടി.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
