

കടുത്തുരുത്തിയിൽ ബസില് കയറുന്നതിനായി റോഡ് മുറിച്ചു കടക്കുന്നതിനിടെ അതേ കെ.എസ്.ആര്.ടി.സി. ബസിടിച്ചു നഴ്സറി സ്കൂള് ഹെല്പ്പര്ക്ക് ദാരുണാന്ത്യം; റോഡിന് മറുവശത്തുണ്ടായിരുന്ന ഭര്ത്താവിനൊപ്പം ബസില് കയറുന്നതിനായി ബസിന് മുന്നിലൂടെ റോഡ് മുറിച്ചു കടക്കുമ്പോഴാണ് അപകടം
സ്വന്തം ലേഖകൻ
കടുത്തുരുത്തി: ബസില് കയറുന്നതിനായി റോഡ് മുറിച്ചു കടക്കുന്നതിനിടെ അതേ കെ.എസ്.ആര്.ടി.സി. ബസിടിച്ചു നഴ്സറി സ്കൂള് ഹെല്പ്പര്ക്ക് ദാരുണാന്ത്യം. കാഞ്ഞിരത്താനം സെന്റ് ജോണ്സ് നഴ്സറി സ്കൂളിലെ ഹെല്പ്പറായ കാഞ്ഞിരത്താനം കിഴക്കേഞാറക്കാട്ടില് (ഇരുവേലിക്കല്) ജോസി തോമസ് (54) ആണ് മരിച്ചത്. വെള്ളിയാഴ്ച വൈകുന്നേരം നാലോടെ കാഞ്ഞിരത്താനം ജങ്ഷനിലാണ് അപകടം.
ഭര്ത്താവിനൊപ്പം വീട്ടില് നിന്നും നടന്നുവന്ന ജോസി, ജങ്ഷനില് നില്ക്കുകയായിരുന്ന കൂട്ടുകാരിയുമായി സംസാരിച്ചുനില്ക്കുമ്ബോളാണ് വൈക്കം ഭാഗത്തേക്കുള്ള ബസെത്തുന്നത്. ഈ സമയം ഭര്ത്താവ് തോമസ് റോഡിനപ്പുറം കടന്നിരുന്നു.
തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
Whatsapp Group 1 | Whatsapp Group 2 |Telegram Group
റോഡിന് മറുവശത്തുണ്ടായിരുന്ന ഭര്ത്താവിനൊപ്പം ബസില് കയറുന്നതിനായി ബസിന് മുന്നിലൂടെ റോഡ് മുറിച്ചു കടക്കുമ്ബോഴാണ് അപകടം. കൈ ഉയര്ത്തി അടയാളം കാണിച്ച ശേഷമാണ് ജോസി റോഡ് മുറിച്ചു കടന്നതെന്നും എന്നാല് ഡ്രൈവറുടെ ശ്രദ്ധയില് ഇതു പെട്ടില്ലെന്നും പറയുന്നു.
ബസ് തട്ടി റോഡില് വീണ ജോസിയുടെ തലയിലൂടെ ബസിന്റെ ചക്രങ്ങള് കേറിയിറങ്ങിയതിനെ തുടര്ന്ന് സംഭവസ്ഥലത്ത് വച്ചുതന്നെ മരിച്ചു. മൃതദേഹം കോട്ടയം മെഡിക്കല് കോളജാശുപത്രി മോര്ച്ചറിയില്. ഏകമകൻ അഖില് തോമസ് (ദുബായ്).
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]