‘വോട്ടര്‍ പട്ടിക പുതുക്കല്‍ സുതാര്യമായി നടത്തി’; രാഷ്ട്രീയ പാര്‍ട്ടി പ്രതിനിധികളുമായി ചര്‍ച്ച നടത്തി മുഖ്യതിരഞ്ഞെടുപ്പ് കമ്മീഷണര്‍ ഗ്യാനേഷ് കുമാര്‍

കൊച്ചി: കൊച്ചിയിലെത്തിയ മുഖ്യതിരഞ്ഞെടുപ്പ് കമ്മീഷണര്‍ ഗ്യാനേഷ് കുമാര്‍ രാഷ്ട്രീയ പാര്‍ട്ടി പ്രതിനിധികളുമായി ചര്‍ച്ച നടത്തി. എസ്ഐആര്‍ നടപടികള്‍ പൂര്‍ത്തിയാക്കിയ ബൂത്ത് ലെവല്‍ ഓഫീസര്‍മാരെ തിരഞ്ഞെടുപ്പ് കമ്മീഷന്‍ അഭിനന്ദിച്ചു.

വോട്ടര്‍ പട്ടിക പുതുക്കല്‍ തികച്ചും സുതാര്യമായാണ് നടത്തിയതെന്ന് മുഖ്യതിരഞ്ഞെടുപ്പ് കമ്മീഷണര്‍ യോഗത്തില്‍ അവകാശപ്പെട്ടു. തെരഞ്ഞെടുപ്പ് കമ്മീഷൻ രാഷ്ട്രീയ പാർട്ടികളുമായി കൂടിക്കാഴ്ച നടത്തി.

നിയമവിധേയമായി തികച്ചും നിഷ്പക്ഷവും സ്വതന്ത്രവും സുതാര്യവുമായ രീതിയിലായിരിക്കും തിരഞ്ഞെടുപ്പ് നടത്തുകയെന്ന് സി.ഇ.സി രാഷ്ട്രീയ പാർട്ടികൾക്ക് ഉറപ്പുനൽകി. തെരഞ്ഞെടുപ്പ് ചൂടിലേക്ക് എത്തിയിരിക്കുകയാണ് കേരളം.

സ്ഥാനാത്ഥി നിർണയവുമായ ചർച്ചകളാണ് നിലവിൽ നടക്കുന്നത്. എന്നാൽ പ്രചാരണം മുന്നണികൾ നേരത്തെ തന്നെ ആരംഭിച്ചിരിക്കുന്നു.

പിണറായി വിജയനെ തന്നെ മുന്നിൽ നിർത്തി മൂന്നാം സർക്കാരിനെ പ്രതീക്ഷിച്ചുകൊണ്ടാണ് ഇടതുമുന്നണിയുടെ നീക്കങ്ങൾ. എന്നാൽ ശക്തമായ തിരിച്ചുവരവ് ഉണ്ടാകുമെന്നാണ് കോണ്ഗ്രസ് ക്യാമ്പിലെ പ്രതീക്ഷ …