അക്കൗണ്ടിൽ പണമില്ലേ? വിഷമിക്കണ്ട, 10,000 രൂപ വരെ പിൻവലിക്കാം! ഈ സൗകര്യം അറിഞ്ഞിരിക്കണം

അക്കൗണ്ടിൽ ഒരു രൂപ പോലും ഇല്ല, പക്ഷേ, പെട്ടെന്നൊരു ആവശ്യത്തിന് 10,000 രൂപ വേണം. ഇത് എങ്ങനെ സാധ്യമാകും? കേന്ദ്ര സർക്കാരിൻ്റെ ഒരു പ്രത്യേക പദ്ധതിയിലൂടെ ഇത് നടക്കും.

അത് എങ്ങനെ എന്നറിയാം. കയ്യിൽ പണമില്ലാത്ത, അക്കൗണ്ടിൽ ബാലൻസില്ലാത്ത അടിയന്തര സാഹചര്യങ്ങൾ സാധാരണക്കാർക്ക് ഉണ്ടാകാറുണ്ട്.

ഈ പ്രശ്നത്തിന് ഒരു പരിഹാരവുമായാണ് കേന്ദ്ര സർക്കാർ ഈ പദ്ധതി അവതരിപ്പിച്ചത്.അക്കൗണ്ടിൽ പണമില്ലാത്തപ്പോഴും നിങ്ങൾക്ക് 10,000 രൂപ വരെ പിൻവലിക്കാൻ സാധിക്കും. കേന്ദ്ര സർക്കാരിൻ്റെ പ്രത്യേക പദ്ധതിയാണ് ഇത് സാധ്യമാക്കുന്നത്.

ഇത് അവിശ്വസനീയമായി തോന്നാമെങ്കിലും സത്യമാണ്.പ്രധാനമന്ത്രി ജൻ ധൻ യോജന (PMJDY) പ്രകാരമുള്ള സീറോ ബാലൻസ് സേവിംഗ്സ് അക്കൗണ്ടുള്ളവർക്ക്, നിബന്ധനകൾ പാലിച്ചാൽ 10,000 രൂപ വരെ ഓവർഡ്രാഫ്റ്റ് (OD) സൗകര്യം നേടാം.അക്കൗണ്ടിൽ പണമില്ലെങ്കിലും ഒരു നിശ്ചിത തുക വരെ പിൻവലിക്കാൻ ബാങ്ക് നൽകുന്ന സൗകര്യമാണ് ഓവർഡ്രാഫ്റ്റ്. ഇതൊരു ചെറിയ കാലത്തേക്കുള്ള ലോൺ പോലെയാണ്.

ഇതിന് ബാങ്ക് പലിശ ഈടാക്കും. ജൻ ധൻ യോജനയിൽ ഈ പരിധി ആദ്യം 5,000 രൂപയായിരുന്നു, പിന്നീടത് 10,000 രൂപയായി ഉയർത്തി.ഈ 10,000 രൂപയുടെ ഓവർഡ്രാഫ്റ്റ് സൗകര്യം ലഭിക്കാൻ ചില നിബന്ധനകളുണ്ട്: 1.

അക്കൗണ്ട് തുടങ്ങി കുറഞ്ഞത് 6 മാസമെങ്കിലും ആയിരിക്കണം, മികച്ച ഇടപാടുകൾ നടന്നിരിക്കണം. 2.

അപേക്ഷകന് 18-നും 65-നും ഇടയിൽ പ്രായമുണ്ടായിരിക്കണം (മുൻപ് ഇത് 18-60 വയസ്സായിരുന്നു). 3.

ഒരു കുടുംബത്തിൽ ഒരാൾക്ക് മാത്രം, സ്ത്രീകൾക്ക് മുൻഗണന. 4.

അക്കൗണ്ടുമായി ആധാർ കാർഡ് ബന്ധിപ്പിച്ചിരിക്കണം.ഈ പദ്ധതിയുടെ പ്രധാന ആകർഷണം 2,000 രൂപ വരെയുള്ള ഓവർഡ്രാഫ്റ്റിന് പ്രത്യേക നിബന്ധനകളോ ഗ്യാരണ്ടിയോ ആവശ്യമില്ല എന്നതാണ്. എന്നാൽ 2,000 രൂപയ്ക്ക് മുകളിലുള്ള തുകയ്ക്ക് ബാങ്കിൻ്റെ പരിശോധനകളും ഉപഭോക്താവിൻ്റെ ക്രെഡിറ്റ് ഹിസ്റ്ററിയും പരിഗണിക്കും.

ഇതൊരു സൗജന്യ പണമല്ല, മറിച്ച് ഒരു വായ്പയാണ്. അതിനാൽ പലിശ നൽകണം.

ബാങ്കുകൾക്ക് അനുസരിച്ച് പലിശ നിരക്ക് മാറും, സാധാരണയായി 2% മുതൽ 12% വരെയാണ് ഈടാക്കുന്നത്. എടിഎം വഴി ഈ പണം പിൻവലിക്കാം.

കൃത്യസമയത്ത് പലിശയടക്കം തിരിച്ചടച്ചില്ലെങ്കിൽ നിങ്ങളുടെ ക്രെഡിറ്റ് സ്കോറിനെ ബാധിക്കും. സാമ്പത്തിക ശാക്തീകരണം ലക്ഷ്യമിട്ട് 2014-ൽ ആരംഭിച്ച ഈ പദ്ധതിയിൽ ഇതുവരെ 550 ദശലക്ഷത്തിലധികം അക്കൗണ്ടുകളുണ്ട്.

സീറോ ബാലൻസ് കൂടാതെ, റുപേ (RuPay) ഡെബിറ്റ് കാർഡ്, 2 ലക്ഷം രൂപയുടെ അപകട ഇൻഷുറൻസ് പരിരക്ഷ എന്നിവയും ഈ അക്കൗണ്ടുകൾക്ക് ലഭിക്കും.അടിയന്തര ചികിത്സാ ചെലവുകൾക്കോ ചെറിയ ബിസിനസ് ആവശ്യങ്ങൾക്കോ ജൻ ധൻ അക്കൗണ്ടിലെ ഈ ഓവർഡ്രാഫ്റ്റ് സൗകര്യം സാധാരണക്കാർക്ക് വലിയൊരു ആശ്രയമാണ്.

നിങ്ങൾക്ക് 6 മാസത്തിൽ കൂടുതൽ പഴക്കമുള്ള ജൻ ധൻ അക്കൗണ്ടുണ്ടെങ്കിൽ, ഉടൻ അടുത്തുള്ള ബാങ്കുമായി ബന്ധപ്പെട്ട് കൂടുതൽ വിവരങ്ങൾ ചോദിച്ച് അറിയാവുന്നതാണ്.

… FacebookTwitterWhatsAppTelegram