അമ്പലത്തറ ∙ രേഖകളില്ലാതെ സ്കൂട്ടറിൽ കടത്തുകയായിരുന്ന 11.34 ലക്ഷം രൂപയുമായി യുവാവ് പിടിയിലായി. ജില്ലാ പൊലീസ് മേധാവിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിൽ ജില്ലാ ക്രൈം സ്ക്വാഡും അമ്പലത്തറ പൊലീസും നടത്തിയ പരിശോധനയിലാണ് അമ്പലത്തറ കല്ലാന്തോൽ സ്വദേശി സി.എച്ച്.അബ്ബാസിനെ (40) അറസ്റ്റ് ചെയ്തത്.
ഇയാളിൽ നിന്ന് 11,34,500 രൂപയും കണ്ടെടുത്തു.
സ്കൂട്ടറിൽ കടത്താൻ ശ്രമിക്കുന്നതിനിടെ വാഹനം പിന്തുടർന്ന് അമ്പലത്തറ പൊലീസ് സ്റ്റേഷന് മുൻവശം എസ്എച്ച് റോഡിൽ തടഞ്ഞുനിർത്തി പരിശോധിച്ചപ്പോഴാണ് പണം കണ്ടെത്തിയത്. പിടികൂടിയ പണവുമായി അബ്ബാസിനെ ഹൊസ്ദുർഗ് കോടതിയിൽ ഹാജരാക്കി.
അമ്പലത്തറ പൊലീസ് സബ് ഇൻസ്പെക്ടർ കെ.കൃഷ്ണൻ സീനിയർ സിവിൽ പൊലീസ് ഓഫിസർമാരായ വിനോദ്, പ്രജിത്ത്, റിജു, ജില്ലാ ക്രൈം സ്ക്വാഡ് അംഗങ്ങളായ എഎസ്ഐ അബൂബക്കർ, സീനിയർ സിവിൽ പൊലീസ് ഓഫിസർ നികേഷ് എന്നിവരാണ് സംഘത്തിലുണ്ടായിരുന്നത്.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
