ചട്ടം പഠിപ്പിക്കാൻ കൊണ്ടുവന്ന കൊമ്പൻ ജനത്തെ വട്ടം ചുറ്റിച്ചു

ചാലക്കുടി ∙ പോട്ടയിൽ ചട്ടം പഠിപ്പിക്കാനായി എത്തിച്ച പീച്ചിയിൽ  ശിവൻ എന്ന ആന ഇടഞ്ഞോടിയതു നാട്ടുകാരെ പരിഭ്രാന്തിയിലാഴ്ത്തി. ഇന്നലെ വൈകിട്ട് 6 മണിയോടെയായിരുന്നു സംഭവം.

കനാൽ ബണ്ട് റോഡിലൂടെ ഒരു കിലോമീറ്ററോളം ഓടിയ ആന വ്യാസ സ്കൂൾ പരിസരം വരെ എത്തി.  ഒടുവിൽ 2 മണിക്കൂർ നീണ്ട പരിശ്രമത്തിനൊടുവിൽ പാപ്പാൻ തന്നെ ആനയെ സുരക്ഷിതമായി തളച്ചു. 
കൊല്ലത്തു നിന്നുള്ള ഈ ആനയെ ചട്ടം പഠിപ്പിക്കുന്നതിനായി പോട്ടയിലുള്ള ആനപ്പാപ്പാൻ സജീവന്റെ പക്കൽ ഏൽപിച്ചതായിരുന്നു.  ഇൻസ്പെക്ടർ എം.കെ.

സജീവിന്റെ നേതൃത്വത്തിലുള്ള പൊലീസ് സംഘവും വനംവകുപ്പ് ഉദ്യോഗസ്ഥരും എലിഫന്റ് സ്ക്വാഡും സ്ഥലത്തെത്തി. നഗരസഭാ സ്ഥിരസമിതി അധ്യക്ഷ ഷിഫ സന്തോഷ്, കൗൺസിലർ വത്സൻ ചമ്പക്കര എന്നിവരും സ്ഥലത്തെത്തി സ്ഥിതിഗതികൾ വിലയിരുത്തി.

ആന ഇടഞ്ഞോടിയ പാതയിൽ ആളപായമോ മറ്റു നാശനഷ്ടങ്ങളോ ഉണ്ടാകാതിരുന്നതു വലിയ ആശ്വാസമായി. … FacebookTwitterWhatsAppTelegram