വിസ്മയ ലോകത്തിന്‍റെ കവാടം റിയാദിൽ ബുധനാഴ്ച തുറക്കും

വിസ്മയ ലോകത്തിന്‍റെ കവാടം റിയാദിൽ ഡിസംബർ 31ന് തുറക്കും. സാഹസിക വിനോദം ഇഷ്ടപ്പെടുന്നവർക്കായി വടക്കേ അമേരിക്കയ്ക്ക് പുറത്തെ ആദ്യ സിക്സ് ഫ്ലാഗ്സ് അമ്യൂസ്മെൻറ് പാർക്കാണ് സൗദി തലസ്ഥാന നഗരത്തിൽ നിന്ന് 45 കിലോമീറ്ററകലെ ഖിദ്ദിയ സിറ്റിയിൽ ആരംഭിക്കുന്നത്.

വടക്കേ അമേരിക്കയ്ക്ക് പുറത്തെ ആദ്യത്തെ സിക്സ് ഫ്ലാഗ്സ് അമ്യൂസ്മെൻറ് പാർക്ക് റിയാദിൽ ബുധനാഴ്ച തുറക്കും. ലോക റെക്കോർഡുകൾ തകർത്ത റൈഡുകളാണ് ഈ പാർക്കിലുള്ളത്.

നഗര പരിധിയിലെ തുവൈഖ് പർവതനിരകളുടെ പശ്ചാത്തലത്തിൽ ഒരുങ്ങൂന്ന ഖിദ്ദിയ വിനോദ നഗരത്തിെൻറ ഏറ്റവും കണ്ണായ ഭാഗത്ത് 3,20,000 ചതുരശ്ര മീറ്റർ വിസ്തൃതിയിൽ വ്യാപിച്ചുകിടക്കുന്ന ഈ പാർക്കിൽ 28 റൈഡുകളും മറ്റ് ആകർഷണങ്ങളുമുണ്ട്. പാർക്കിൽ ആകെ പ്രതിദിനം 10,000 സന്ദർശകരെ സ്വീകരിക്കാനുള്ള ശേഷിയുണ്ട്.

ആദ്യവർഷം 20 ലക്ഷത്തിലധികം സന്ദർശകരെയാണ് പ്രതീക്ഷിക്കുന്നത്. 1,200-ലധികം ജീവനക്കാരാണ് പാർക്കിലുടനീളം പ്രവർത്തിക്കുന്നത്.

ഇതിൽ ഭൂരിഭാഗവും സ്വദേശി യുവതിയുവാക്കളാണ്. പരിസ്ഥിതി സൗഹൃദപരമാണ് പാർക്കിെൻറ പ്രവർത്തനം.

പാർക്കിലെ മാലിന്യത്തിെൻറ 80 ശതമാനത്തിലധികവും പുനരുപയോഗം ചെയ്യുന്നു. ലോക റെക്കോർഡുകൾ തകർത്ത അഞ്ച് പ്രധാന റൈഡുകൾ സിക്സ് ഫ്ലാഗ്സ് ഖിദ്ദിയ പാർക്കിെൻറ പ്രത്യേകതയാണ്.

ഏറ്റവും പ്രധാന ആകർഷണമായ ‘ഫാൽക്കൺസ് ഫ്ലൈറ്റ്’ എന്ന റൈഡ് ലോകത്തിലെ ഏറ്റവും ഉയരമുള്ളതും വേഗതയേറിയതും നീളമേറിയതുമായ റോളർ േകാസ്റ്ററാണ്. മണിക്കൂറിൽ 250 കിലോമീറ്റർ വേഗതയിൽ സഞ്ചരിക്കുന്ന ഇതിന് 195 മീറ്റർ ഉയരവും നാല് കിലോമീറ്റർ നീളവുമുണ്ട്.

മൂന്ന് ലോക റെക്കോർഡുകളാണ് സ്വന്തം. ‘സിറോക്കോ ടവർ’ ആണ് മറ്റൊന്ന്.

ലോകത്തിലെ ഏറ്റവും ഉയരമുള്ള ഫ്രീ-സ്റ്റാൻഡിങ് ഷോട്ട് ടവറണിത്. 145 മീറ്റർ ഉയരമുണ്ട്.

ലോകത്തിലെ ഏറ്റവും ഉയർന്ന പെൻഡുലം റൈഡാണ് ‘ഗൈറോസ്പിൻ’. ‘സ്പിറ്റ്ഫയർ’ റൈഡ് ലോകത്തിലെ ഏറ്റവും ഉയർന്ന ഇൻവേർട്ടഡ് ടോപ്പ് ഹാറ്റ് കോസ്റ്ററാണ്.

ഒരേസമയം ഭീതിയും കൗതുകവും അനുഭവിപ്പിക്കുന്ന റൈഡാണ് ‘അയൺ റാറ്റ്‌ലർ’. ഈയിനത്തിൽ ലോകത്തിലെ ഏറ്റവും ഉയരം കൂടിയ ടിൽറ്റഡ് (ചരിഞ്ഞ) കോസ്റ്ററാണ് ഇത്.

63.4 മീറ്റർ ഉയരമുണ്ട്. 12 വയസിന് മുകളിലുള്ളവർക്ക് 325 റിയാലും വാരാന്ത്യങ്ങളിൽ 450 റിയാലുമാണ് ടിക്കറ്റ് നിരക്ക്.

നാല് മുതൽ 11 വയസ് വരെയുള്ളവർക്ക് 275 റിയാലാണ് നിരക്ക്. നാല് വയസിൽ താഴെയുള്ള കുഞ്ഞുങ്ങൾക്ക് പ്രവേശനം സൗജന്യം.

ഭിന്നശേഷിക്കാർക്കും മുതിർന്ന പൗരന്മാർക്കും പാർക്കിനുള്ളിൽനിന്ന് നേരിട്ട് 75 റിയാൽ നിരക്കിൽ ടിക്കറ്റുകൾ ലഭിക്കും. ഫാമിലി ബണ്ടിൽ ആയി അഞ്ചു പേർക്ക് ഒന്നിച്ച് കയറാവുന്ന പാക്കേജ് 1,200 റിയാൽ മുതൽ ലഭ്യമാണ്.

ക്യൂ നിൽക്കാതെ റൈഡുകളിൽ കയറാൻ ‘ഗോ ഫാസ്റ്റ് പാസ്’ എന്ന പ്രത്യേക പാസും അധിക തുക നൽകി വാങ്ങാവുന്നതാണ്. സിക്സ് ഫ്ലാഗ്സ് ഖിദ്ദിയ പാർക്ക് എല്ലാ ദിവസവും പ്രവർത്തിക്കും.

വൈകുന്നേരം നാല് മുതലാണ് സന്ദർശകർക്ക് പ്രവേശനം. റിയാദ് നഗരമധ്യത്തിൽനിന്ന് ഏകദേശം 45 കിലോമീറ്റർ അകലെയാണ് ഖിദ്ദിയ സ്ഥിതി ചെയ്യുന്നത്.

മെട്രോയും ഷട്ടിൽ ബസ്സും വഴി ഇവിടെ എത്തിച്ചേരാം. റിയാദ് മെട്രോയുടെ ഓറഞ്ച് ലൈനിലെ ജിദ്ദ റോഡ് സ്റ്റേഷൻ, ബ്ലൂ, റെഡ് ലൈനുകളിലെ എസ്.ടി.സി എന്നീ സ്റ്റേഷനുകളിൽനിന്ന് ഖിദ്ദിയയിലേക്ക് അര മണിക്കൂർ ഇടവിട്ട് സൗജന്യ ഷട്ടിൽ ബസ് സർവിസുകളുണ്ട്.

പാർക്ക് ടിക്കറ്റ് ബുക്ക് ചെയ്തിട്ടുള്ള സന്ദർശകർക്കായി വൈകുന്നേരം മൂന്ന് മുതൽ ഷട്ടിൽ ബസുകൾ സർവിസ് ആരംഭിക്കും. സ്വന്തം വാഹനത്തിലോ ടാക്സിയിലോ വരുന്നവർക്ക് ഖിദ്ദയയിലെ പാർക്കിങ് ഏരിയയിൽ നിന്ന് പാർക്കിലേക്ക് സൗജന്യ ഷട്ടിൽ ബസ് സർവിസ് ലഭ്യമാണ്.

റിയാദ് നഗരത്തിൽനിന്ന് കിങ് ഫഹദ് റോഡിലൂടെ തെക്കോട്ട് സഞ്ചരിച്ച് മക്ക/ഖിദ്ദയ റോഡ് (റൂട്ട് 539) വഴി ഖിദ്ദിയയിൽ എത്തിച്ചേരാം. കൂടുതൽ വിവരങ്ങൾക്കും ടിക്കറ്റ് ബുക്കിങ്ങിനും www.SixFlagsQiddiyaCity.com എന്ന ഔദ്യോഗിക വെബ്സൈറ്റ് സന്ദർശിക്കാവുന്നതാണ്.

… FacebookTwitterWhatsAppTelegram