സ്വർണക്കുതിപ്പ് തുടരുന്നു; ഇന്നും റെക്കോർഡ് തകർത്ത് പവൻ ലക്ഷത്തിന് തൊട്ടരികെ

സ്വർണവില കേരളത്തിൽ പവന് ഒരുലക്ഷം രൂപയോട് കൂടുതൽ അടുത്തു. ഇന്ന് 600 രൂപ വർധിച്ച് വില എക്കാലത്തെയും ഉയരമായ 98,800 രൂപയായി.

ഈമാസം 12ന് രേഖപ്പെടുത്തിയ 98,400 രൂപയെന്ന റെക്കോർഡ് ഇനി മറക്കാം. ഗ്രാമിന് 75 രൂപ ഉയർന്ന് വില 12,350 രൂപയിലുമെത്തി.

ഒരു പവൻ സ്വർണാഭരണം വാങ്ങണമെങ്കിൽ പോലും ഏറ്റവും കുറഞ്ഞ പണിക്കൂലി പ്രകാരം കേരളത്തിൽ ഇന്ന് 1.15 ലക്ഷം രൂപയ്ക്കടുത്ത് നൽകണം.
യുഎസ് കേന്ദ്രബാങ്കായ ഫെഡറൽ റിസർവ് അടിസ്ഥാന പലിശനിരക്ക് കുറച്ചതും ഡോളറിനെതിരെ രൂപയുടെ മൂല്യം റെക്കോർഡ് താഴ്ചയിലേക്ക് വീണതുമാണ് ആഭ്യന്തര സ്വർണവില കൂടാൻ ഇടയാക്കിയത്. രാജ്യാന്തരവില ഔൺസിന് 26 ഡോളർ ഉയർന്ന് 4,326 ഡോളറിൽ എത്തിയത് തിരിച്ചടിയായി.
ഇന്നു രാവിലെ ഡോളറിനെതിരെ രൂപ 9 പൈസ താഴ്ന്ന് റെക്കോർഡ് താഴ്ചയായ 90.58ൽ എത്തി.

കേരളത്തിൽ 18 കാരറ്റ് സ്വർണവിലയും ഗ്രാമിന് 60 രൂപ ഉയർന്ന് റെക്കോർഡ് 10,215 രൂപയായി. വെള്ളിവില മാറ്റമില്ലാതെ ഗ്രാമിന് 200 രൂപ.

ചില ജ്വല്ലറികൾ 18 കാരറ്റിന് ഈടാക്കുന്നത് 10,155 രൂപയാണ്. വെള്ളിക്ക് 198 രൂപയും.
ബിസിനസ്, ഇക്കണോമി, സ്റ്റോക്ക് മാർക്കറ്റ്, പഴ്സനൽ ഫിനാൻസ്, കമ്മോഡിറ്റി, സമ്പാദ്യം വാർത്തകൾക്ക്:
… FacebookTwitterWhatsAppTelegram