സെൽവമണി സെൽവരാജ് സംവിധാനം ചെയ്ത ദുൽഖർ സൽമാൻ ചിത്രം ‘കാന്താ’ ഒടിടി റിലീസിനൊരുങ്ങുന്നു. ദുൽഖറിൻ്റെ അഭിനയ ജീവിതത്തിലെ ഏറ്റവും മികച്ച പ്രകടനങ്ങളിലൊന്നായി പ്രേക്ഷകർ വിലയിരുത്തുന്ന ‘കാന്താ’ നവംബർ 14-നാണ് തിയേറ്ററുകളിൽ എത്തിയത്.
ചിത്രം ഡിസംബർ 12 മുതൽ നെറ്റ്ഫ്ലിക്സിലൂടെ സ്ട്രീമിംഗ് ആരംഭിക്കുമെന്ന് newskerala.net റിപ്പോർട്ട് ചെയ്യുന്നു. ‘ദ ഹണ്ട് ഫോർ വീരപ്പൻ’ എന്ന നെറ്റ്ഫ്ലിക്സ് ഡോക്യുമെന്ററി സീരീസിലൂടെ ശ്രദ്ധേയനായ സെൽവമണി സെൽവരാജിന്റെ ആദ്യ ഫീച്ചർ ചിത്രമാണ് കാന്ത.
1950-കളിലെ തമിഴ് സിനിമാ ലോകത്തിന്റെ പശ്ചാത്തലത്തിൽ ഒരുക്കിയിരിക്കുന്ന ചിത്രത്തിൽ, ടി.കെ. മഹാദേവൻ എന്ന സൂപ്പർതാരമായാണ് ദുൽഖർ സൽമാൻ എത്തുന്നത്.
സമുദ്രക്കനി ‘അയ്യാ’ എന്ന സംവിധായകനായും റാണ ദഗ്ഗുബതി ഒരു പോലീസ് ഓഫീസറായും വേഷമിടുന്നു. ഭാഗ്യശ്രീ ബോർസെയാണ് ചിത്രത്തിലെ നായിക.
ദുൽഖർ സൽമാന്റെ വേഫെറർ ഫിലിംസും റാണ ദഗ്ഗുബതിയുടെ സ്പിരിറ്റ് മീഡിയയും ചേർന്നാണ് കാന്ത നിർമ്മിച്ചിരിക്കുന്നത്. ദുൽഖർ സൽമാൻ, ജോം വർഗീസ്, റാണ ദഗ്ഗുബതി, പ്രശാന്ത് പോട്ട്ലൂരി എന്നിവർ നിർമ്മാതാക്കളുടെ നിരയിലുണ്ട്.
വേഫെറർ ഫിലിംസ് തന്നെയാണ് ചിത്രം കേരളത്തിൽ വിതരണത്തിന് എത്തിച്ചത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
