ആലക്കോട്∙ വായാട്ടുപറമ്പിൽ വെളിച്ചെണ്ണ ഫാക്ടറിയിൽ വൻ തീപിടിത്തം. സെന്റ് ജോസഫ്സ് പള്ളിക്ക് സമീപത്തെ ഗ്രാമിക കോക്കനട്ട് ഓയിൽ ഫാക്ടറിയിലാണു തീപിടിത്തമുണ്ടായത്.
2 ലോഡ് കൊപ്രയും 1,000 ലീറ്റർ വെളിച്ചെണ്ണയും വിലകൂടിയ മെഷിനറിയും കത്തി നശിച്ചു. കെട്ടിടത്തിനും കേടുപാട് സംഭവിച്ചു.
വയറിങ്ങും കത്തി നശിച്ചു.
ഷോർട്ട്സർക്യൂട്ട് ആണ് തീപിടിത്തത്തിന് കാരണമെന്ന് സംശയിക്കുന്നു. ഇന്നലെ രാവിലെ ആറോടെയായിരുന്നു സംഭവം.
ഫാക്ടറിയിൽ നിന്ന് പുക ഉയരുന്നതു കണ്ട നാട്ടുകാർ ഉടമയെ വിവരം അറിയിച്ചു.
തളിപ്പറമ്പ്, പയ്യന്നൂർ, കണ്ണൂർ എന്നിവിടങ്ങളിൽ നിന്നു ഫയർഫോഴ്സ് എത്തി. പൊലീസും സ്ഥലത്തെത്തി.
മണിക്കൂർ നീണ്ട പ്രയത്നത്തിനൊടുവിലാണ് തീയണച്ചത്.
പുളിയൻമാക്കൽ ഫ്രെഡി സെബാസ്റ്റ്യന്റെ ഉടമസ്ഥതയിലുള്ളതാണു സ്ഥാപനം. ഒന്നേകാൽ കോടിയോളം രൂപയുടെ നഷ്ടമുണ്ടായതായി ഉടമ പറഞ്ഞു.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
