ബന്തടുക്ക ∙ മാണിമൂല കണ്ണാടിത്തോട് മേഖലയിൽ പുലി സാന്നിധ്യം ഉറപ്പിച്ച് അധികൃതർ. ഇന്നലെ നടത്തിയ അന്വേഷണത്തിൽ വ്യക്തമായ കാൽപാടുകൾ കണ്ടെത്തി.
പാടുകളുടെ വിശദമായ ചിത്രങ്ങളും അടയാള രേഖപ്പെടുത്തലുകളും നടത്തി വിദഗ്ധ പരിശോധനയ്ക്കു വിധേയമാക്കും. പുലിയെ കണ്ടെന്ന് നാട്ടുകാർ ഉറപ്പിച്ചു പറയുന്ന കുറ്റിക്കോൽ പഞ്ചായത്തിലെ മാണിമൂല കണ്ണാടി തൊടിലെ, പ്രദേശങ്ങളിൽ വനം വകുപ്പ് പട്രോളിങ് ശക്തമാക്കി.
ബന്തടുക്ക സെക്ഷൻ ഓഫിസർ ടി.ശേഷപ്പയുടെ നേതൃത്വത്തിൽ ബന്തടുക്ക സെക്ഷൻ ബീറ്റ് ഫോറസ്റ്റ് ഓഫിസർമാരായ ബി.വിനീത്, എം ആതിര, വാച്ചർ രഞ്ജിഷ് കുറ്റിക്കോൽ എന്നിവരാണ് പരിശോധന നടത്തിയത്.
പുലിയുടെ സാന്നിധ്യമുണ്ടെന്ന് സംശയിക്കുന്നതിനാൽ കർശനമായ ജാഗ്രത പാലിക്കണമെന്ന് വനംവകുപ്പ് അധികൃതർ അറിയിച്ചു. തൊഴിലുറപ്പു പോലുള്ള ജോലികളും ടാപ്പിങ്, തീറ്റപ്പുൽ ശേഖരിക്കൽ തുടങ്ങിയവയും ഒഴിവാക്കണം.
രാത്രിയിൽ ഒറ്റയ്ക്കു പുറത്തിറങ്ങുന്നുണ്ടെങ്കിൽ പ്രത്യേക ശ്രദ്ധ വേണമെന്നും അധികൃതർ പറഞ്ഞു. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
