വീടിനോടു ചേർന്നുണ്ടായ ഗർത്തത്തിൽ ഗൃഹനാഥ വീണു

മാരാരിക്കുളം∙ ആര്യാട് വീടിന് സമീപത്തെ പറമ്പ് ഇടിഞ്ഞുണ്ടായ ഗർത്തത്തിൽ ഗൃഹനാഥ വീണു. ആര്യാട് പഞ്ചായത്ത് 8–ാം വാർഡിൽ കുറുന്തല വെളിയിൽ രമേശന്റെ വീടിനോട് ചേർന്നാണ് പറമ്പ് ഇടിഞ്ഞ് ഗർത്തം രൂപപ്പെട്ടത്.

പുറത്തു നിന്ന് വീട്ടുജോലി ചെയ്യുകയായിരുന്ന രമേശന്റെ ഭാര്യ രാജപ്രിയ കുഴിയിൽ വീണു. ഉടൻ ബന്ധുവിന്റെ ശ്രദ്ധയിൽപെട്ടതിനാൽ രക്ഷപ്പെടുത്താൻ കഴിഞ്ഞു.

രാജപ്രിയയെ ഏണി വച്ചാണ് കുഴിയിൽ നിന്നു രക്ഷിച്ചത്. ഇന്നലെ ഉച്ചയ്ക്ക് 2നായിരുന്നു സംഭവം.

ജനപ്രതിനിധികൾ ഉൾപ്പെടെ സ്ഥലത്തെത്തി സ്ഥിതിഗതികൾ വിലയിരുത്തി. 3 മീറ്ററോളം വീതിയിലും 2 മീറ്ററോളം നീളത്തിലും ഭൂമി ഇടിയാനുണ്ടായ കാരണം വ്യക്തമല്ല.

… FacebookTwitterWhatsAppTelegram