മഞ്ചേശ്വരം ∙ വോർക്കാടിയിൽ വീടിനു സമീപത്തെ ഷെഡിൽ സൂക്ഷിച്ച 116 കിലോഗ്രാം കഞ്ചാവും വാഹനവും പിടികൂടിയ സംഭവത്തിൽ ഒരാൾകൂടി പൊലീസ് പിടികൂടി. മംഗളൂരു തൊക്കോട്ട് സെനോഹറിനെയാണ് (35) ഇൻസ്പെക്ടർ പി.അജിത്ത്കുമാറിന്റെ നേതൃത്വത്തിലുള്ള സംഘം അറസ്റ്റ് ചെയ്തത്.
മൈസൂരിലെ സിദ്ധഗൗഡ (35) നേരത്തെ അറസ്റ്റിലായിരുന്നു.കഴിഞ്ഞ 8നു പുലർച്ചെയാണു കൊടലഗമുഗർ സുള്ള്യമെ അഞ്ചാം വാർഡിലെ 58–ാം നമ്പർ വീടിനു സമീപത്തെ ഷെഡിൽനിന്നു കഞ്ചാവും ഇതു കടത്താനായി ഉപയോഗിച്ച വാഹനം പിടികൂടിയത്.
വിവിധ സംസ്ഥാനങ്ങളിലായി ഒളിവിൽ കഴിയുകയായിരുന്നു സെനോഹർ. ഇയാളുടെ ബാങ്ക് അക്കൗണ്ട് ട്രാക്ക് ചെയ്ത പൊലീസ് ഇയാൾ നിരന്തരം മൈസൂരു, മടിക്കേരി എന്നിവിടങ്ങളിലെ ചില ഹോട്ടലുകളിൽ ഓൺലൈനായി പണമിടപാട് നടത്തുന്നതു കണ്ടെത്തി.
തുടർന്നു നടത്തിയ അന്വേഷണത്തിലാണു പ്രതി പിടിയിലായത്.കർണാടക, ആന്ധ്രപ്രദേശ്, ഒഡീഷ, കേരളം ഉൾപ്പെടെയുള്ള സംസ്ഥാനങ്ങൾ കേന്ദ്രീകരിച്ചു കഞ്ചാവ് കടത്തുന്ന സംഘത്തിലെ പ്രധാനിയാണ് ഇയാളെന്നു പൊലീസ് പറഞ്ഞു.
കോടതിയിൽ ഹാജരാക്കി.ജില്ലാ പൊലീസ് മേധാവി ബി.വി.വിജയ് ഭരത് റെഡ്‌‍ഡ‍ിയുടെ നിർദേശത്തെ തുടർന്ന് എഎസ്പി എം.നന്ദഗോപന്റെ മേൽനോട്ടത്തിൽ ഇൻസ്പെക്ടർ പി.അജിത്ത് കുമാർ, എസ്ഐ കെ.രതീഷ് ഗോപി, എഎസ്ഐ സി.വി.ഷാജു, സിപിഒ സജീഷ് എന്നിവരടങ്ങിയ സംഘമാണു പിടികൂടിയത്. …
FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
