ചെറുപുഴ ∙ മൂന്നുവർഷംമുൻപ് മകൻ ബൈക്കപകടത്തിൽ മരിച്ച സ്ഥലത്തിനടുത്ത് കാറിടിച്ച് സ്കൂട്ടർ യാത്രക്കാരിയായ മാതാവും മരിച്ചു. ഗുരുതരമായി പരുക്കേറ്റു കോഴിക്കോട് മെഡിക്കൽ കോളജ് ആശുപത്രിയിൽ ചികിത്സയിലായിരുന്ന കല്ലങ്കോട്ടെ ഇഞ്ചപ്പുഴ ജിജിയാണ് (42) മരിച്ചത്. 2022 മേയ് 3ന് മലയോരപാതയുയിലെ വാണിയംകുന്നിലുണ്ടായ ബൈക്കപകടത്തിലാണ് ജിജിയുടെ മകൻ അബിൻ സുനിൽ മരിച്ചത്.
അബിൻ സഞ്ചരിച്ച ബൈക്ക് പിക്കപ് ജീപ്പുമായി കൂട്ടിയിടിച്ചായിരുന്നു അപകടം.
ഇവിടെനിന്നു 200 മീറ്റർ മാറി ചെറുപുഴ സെന്റ് ജോർജ് പള്ളി പരിസരത്താണു ജിജി സഞ്ചരിച്ച ബൈക്ക് അപകടത്തിൽപെട്ടത്. പെയ്ന്റിങ് തൊഴിലാളിയായ ഭർത്താവ് സുനിലിനൊപ്പം മഞ്ഞക്കാട്ടുനിന്ന് ബൈക്കിൽ ചെറുപുഴയിലേക്ക് വരുമ്പോൾ ഞായറാഴ്ച രാവിലെ 11.45ന് ആണ് അപകടം. പള്ളിയിൽനിന്ന് റോഡിലേക്കിറങ്ങിയ കാറുമായി കൂട്ടിയിടിക്കുകയായിരുന്നു. ഗുരുതരമായി പരുക്കേറ്റ ദമ്പതികളെ പരിയാരം ഗവ.മെഡിക്കൽ കോളജ് ആശുപത്രിയിലേക്കും അവിടെനിന്ന് കോഴിക്കോട് മെഡിക്കൽ കോളജ് ആശുപത്രിയിലേക്കും കൊണ്ടുപോകുകയായിരുന്നു. സുനിൽ ഇപ്പോഴും ചികിത്സയിലാണ്.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
