പൊൻകുന്നം ∙ രണ്ടുദിവസത്തെ ഡ്രൈ ഡേയിലെ മദ്യ വിൽപ്പന ലക്ഷ്യമാക്കി സൂക്ഷിച്ചുവച്ച 56 കുപ്പി (28 ലിറ്റർ) മദ്യം പൊൻകുന്നം എക്സൈസ് സർക്കിൾ ഇൻസ്പെക്ടർ കെ.ബി. ബിനുവും സംഘവും ചേർന്നു പിടികൂടി ഒരാളെ അറസ്റ്റ് ചെയ്തു.
പാറാംതോട് തള്ളക്കയം ഭാഗത്ത് താന്നിമൂട്ടിൽ വീട്ടിൽ ടി.എൻ. ശശി എന്നയാളെയാണ് അറസ്റ്റ് ചെയ്തത്.
വീടിന്റെ കിടപ്പുമുറിയിൽ 5 സഞ്ചികളിലായാണ് മദ്യം സൂക്ഷിച്ചിരുന്നത്.
പൗവത്ത്കവല ഭാഗത്ത് അനധികൃത മദ്യവില്പന നടക്കുന്നതായി സ്ത്രീകൾ അടക്കമുള്ളവരുടെ പരാതി നേരത്തെ പൊൻകുന്നം എക്സൈസിന് ലഭിച്ചിരുന്നു. ദിവസങ്ങളായി നടത്തിയ നിരീക്ഷണത്തിനൊടുവിലാണ് ഇയാൾ പിടിയിലായത്.
കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
അസിസ്റ്റന്റ് എക്സൈസ് ഇൻസ്പെക്ടർ വി.ടി.അഭിലാഷ്, പ്രിവന്റീവ് ഓഫീസർ എസ്. വികാസ് , സിവിൽ എക്സൈസ് ഓഫീസർമാരായ നിമേഷ് കെ.എസ്, നവാസ് കെ.എ.
വനിതാ സിവിൽ എക്സൈസ് ഓഫീസർ ശ്രീജ മോഹൻ എന്നിവർ റെയ്ഡ് നടത്തിയ സംഘത്തിലുണ്ടായിരുന്നു. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
