ശബരിമല ∙ ശരണംവിളികളോടെ മലകയറി എത്തിയ ആയിരങ്ങൾക്ക് ദർശന സുകൃതവുമായി കന്നിമാസ പൂജകൾക്കായി അയ്യപ്പ ക്ഷേത്രനട തുറന്നു.
തന്ത്രി കണ്ഠര് മഹേഷ് മോഹനരുടെ സാന്നിധ്യത്തിൽ മേൽശാന്തി അരുൺ കുമാർ നമ്പൂതിരി നട തുറന്ന് ശ്രീകോവിലിലെ ദീപങ്ങൾ തെളിച്ചു.
അതിനു ശേഷം മാളികപ്പുറം ക്ഷേത്രനട തുറക്കാനായി അവിടത്തെ മേൽശാന്തി വാസുദേവൻ നമ്പൂതിരിക്ക് താക്കോലും ഭസ്മവും നൽകി യാത്രയാക്കി.
അതിനു ശേഷം പതിനെട്ടാംപടി ഇറങ്ങി ആഴി തെളിച്ച ശേഷമാണ് തീർഥാടകർ പടികയറിത്തുടങ്ങിയത്.
കന്നി മാസ പുലരിയിൽ ഇന്ന് 5.30ന് തന്ത്രിയുടെ കാർമികത്വത്തിൽ നെയ്യഭിഷേകം നടക്കും. ഉച്ചയ്ക്ക് കളഭാഭിഷേകം നടക്കും.
ദിവസവും ഉദയാസ്തമനപൂജ, പടിപൂജ, കളഭാഭിഷേകം, പുഷ്പാഭിഷേകം എന്നിവ ഉണ്ടാകും. 21ന് രാത്രി 10ന് നട
അടയ്ക്കും. ആഗോള അയ്യപ്പ സംഗമം നടക്കുന്നതിനാൽ ഇത്തവണ സുരക്ഷാ സംവിധാനം ശക്തമാക്കിയിട്ടുണ്ട്.
പമ്പയിൽ പാർക്കിങ്ങിനു നിയന്ത്രണമുണ്ട്. പമ്പാ ഗണപതിക്കോവിൽ ഭാഗത്തേക്ക് വാഹനങ്ങൾ വിടുന്നതിനും നിയന്ത്രണം ഏർപ്പെടുത്തി.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
