ഇടുക്കി ജില്ലയിൽ ഇന്ന് (17-09-2025); അറിയാൻ, ഓർക്കാൻ

കാലാവസ്ഥ
∙ പത്തനംതിട്ട, കോട്ടയം, ഇടുക്കി ജില്ലകളിൽ യെലോ അലർട്ട്.
അളവുതൂക്ക ഉപകരണങ്ങളുടെ പുനഃപരിശോധന  
തൊടുപുഴ∙ മുട്ടം, കരിങ്കുന്നം പഞ്ചായത്തുകളിലെ  വ്യാപാരികളുടെ അളവുതൂക്ക ഉപകരണങ്ങളുടെ പുനഃപരിശോധനയും മുദ്രവയ്പും ഇന്ന് അതത് പഞ്ചായത്ത് ഓഫിസുകളിൽ വച്ച് താഴെപ്പറയുന്ന സമയക്രമം അനുസരിച്ച് നടക്കും. കരിങ്കുന്നം 10.30 മുതൽ 12 വരെ.

മുട്ടം 2 മുതൽ 3 വരെ. ഇടവെട്ടി, ആലക്കോട് വെള്ളിയാമറ്റം പഞ്ചായത്തുകളിൽ വ്യാപാരികളുടെ അളവുതൂക്ക ഉപകരണങ്ങളുടെ പുനഃപരിശോധനയും മുദ്രവയ്പും നാളെ നടക്കും. 10.30 മുതൽ 11.30 വരെ ഇടവെട്ടി പഞ്ചായത്ത് ഓഫിസ്, 12 മുതൽ ഒന്നു വരെ ബ്ലോക്ക് പഞ്ചായത്ത് ഓഫിസ് (ആലക്കോട് പഞ്ചായത്ത്), 2 മുതൽ 3 വരെ പന്നിമറ്റത്തുള്ള വെള്ളിയാമറ്റം പഞ്ചായത്ത് ഓഫിസ് എന്ന ക്രമത്തിലായിരിക്കും പരിശോധന.
ഗതാഗതം നിരോധിച്ചു  
തൊടുപുഴ ∙ മാർത്തോമ്മാ–വട്ടമറ്റം–തൊണ്ടുവേലി റോഡിൽ ഇന്റർലോക്കിങ് ടൈൽ ഇടുന്ന പ്രവൃത്തികൾ നടത്തുന്നതിനാൽ ഒക്ടോബർ 10 വരെ പൂർണമായും ഈ റോഡിലൂടെയുള്ള വാഹനഗതാഗതം നിരോധിച്ചതായി പൊതുമരാമത്ത് വകുപ്പ് നിരത്ത് വിഭാഗം അസി.എൻജിനീയർ അറിയിച്ചു. ഇതേ കാലയളവിൽ കാരിക്കോട്–വെള്ളിയാമറ്റം റോഡിൽ മാർത്തോമ്മാ ഗേറ്റ് ജംക്‌ഷനു സമീപം വാഹന ഗതാഗത നിയന്ത്രണം ഉണ്ടായിരിക്കും.  തൊടുപുഴ ∙ രാമമംഗലം–തൊടുപുഴ റോഡി‍ൽ ടാറിങ് പ്രവൃത്തികൾ ആരംഭിച്ചിരിക്കുന്നതിനാൽ 30 വരെ ഈ റോഡിലൂടെയുള്ള വാഹന ഗതാഗതത്തിന് നിയന്ത്രണമുണ്ടായിരിക്കുമെന്ന് പൊതുമരാമത്ത് വകുപ്പ് നിരത്ത് വിഭാഗം അസി.എൻജിനീയർ അറിയിച്ചു.
ജലവിതരണം തടസ്സപ്പെടും 
തൊടുപുഴ∙ ഓൾഡ് പ്ലാന്റ് ശുദ്ധീകരണ പ്രവർത്തനവുമായി ബന്ധപ്പെട്ട് ഇന്ന് തൊടുപുഴ മുനിസിപ്പാലിറ്റിയിൽ പൂർണമായോ ഭാഗികമായോ ജലവിതരണം തടസ്സപ്പെടും.  ആലക്കോട്∙ തലയനാട് പ്ലാന്റ് ശുദ്ധീകരണ പ്രവർത്തനവുമായി ബന്ധപ്പെട്ട് നാളെ ആലക്കോട്, കരിമണ്ണൂർ, ഉടുമ്പന്നൂർ, വണ്ണപ്പുറം, കോടിക്കുളം എന്നീ പഞ്ചായത്തുകളിൽ ഭാഗികമായി ജലവിതരണം തടസ്സപ്പെടും.
കട്ടപ്പന കമ്പോളം 
ഏലം: 2400-2550 കുരുമുളക്: 675 കാപ്പിക്കുരു(റോബസ്റ്റ): 230 കാപ്പി പരിപ്പ്(റോബസ്റ്റ): 430 കൊട്ടപ്പാക്ക്: 245 മഞ്ഞൾ: 250  ചുക്ക്: 265 ഗ്രാമ്പൂ: 825  ജാതിക്ക: 325 ജാതിപത്രി: 1500-2025  ∙ മുരിക്കാശേരി കമ്പോളം കൊക്കോ: 135 കൊക്കോ (ഉണക്ക): 400  ∙ അടിമാലി കമ്പോളം  കൊക്കോ: 90 കൊക്കോ ഉണക്ക: 375 … FacebookTwitterWhatsAppTelegram