തൃശൂർ ∙ സിനിമ കാണാൻ എത്തിയ വീട്ടുകാർ 7 വയസ്സുള്ള കുട്ടിയെ തിയറ്ററിൽ മറന്നു. തൃശൂർ ജില്ലയിലാണു സംഭവം.
രാത്രി സെക്കൻഡ് ഷോയ്ക്കാണ് ബന്ധുക്കളായ 10 പേർ വന്നത്. ടിക്കറ്റ് തീർന്നതിനെത്തുടർന്ന് അതേ സിനിമ പ്രദർശിപ്പിക്കുന്ന മറ്റൊരു തിയറ്ററിലെത്തി ടിക്കറ്റെടുത്ത് സിനിമയ്ക്കു കയറി.
ഇതിനിടെ, കുട്ടിയെ ആദ്യ തിയറ്ററിൽനിന്ന് ഒപ്പം കൂട്ടാൻ മറന്നിരുന്നു. സിനിമ തുടങ്ങിക്കഴിഞ്ഞ് കൗണ്ടറിൽ കരഞ്ഞുകൊണ്ടു നിൽക്കുന്ന കുട്ടിയെ ജീവനക്കാർ ശ്രദ്ധിച്ചു.
വിവരങ്ങൾ ചോദിച്ചറിഞ്ഞു. രക്ഷിതാക്കളെ കുറെനേരം കാത്തു.
ഒടുവിൽ തിയറ്ററിലെ 2 സ്ക്രീനിലെയും ഷോ നിർത്തിവച്ച് കുട്ടിയുടെ രക്ഷിതാക്കളെ തിരഞ്ഞു.
അടുത്ത തിയറ്ററിൽ ഫോൺ ചെയ്ത് വിവരം പറഞ്ഞു. അവിടെയും സിനിമ നിർത്തിവച്ച് വിവരം അനൗൺസ് ചെയ്തു.
കുടുംബം അപ്പോഴാണ് കുട്ടി കൂടെയില്ലെന്ന കാര്യം ശ്രദ്ധിച്ചത്. കുട്ടിയെ പൊലീസ് സ്റ്റേഷനിൽവച്ച് രക്ഷിതാക്കൾക്കു കൈമാറി.
അപ്പോഴേക്കും ഒരു മണിക്കൂർ കഴിഞ്ഞിരുന്നു. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
