പട്ടാമ്പി ∙ യാത്രയ്ക്കിടെ നഷ്ടപ്പെട്ട സ്വർണവും പണവും മറ്റു രേഖകളുമടങ്ങിയ ബാഗ് തിരിച്ചു വാങ്ങാൻ സുജാത ചെ‍ന്നെ‍െയിൽ നിന്നെത്തി.
ബാഗ് തിരിച്ചു നൽകിയ അബ്ദുൽ സബാദിനും പൊലീസിനും നന്ദി പറഞ്ഞ് സുജാത പട്ടാമ്പി പൊലീസ് സ്റ്റേഷനിൽ നിന്നു ബാഗ് ഏറ്റുവാങ്ങി. റോഡിൽ നിന്നു വീണു കിട്ടിയ സ്വർണാഭരണങ്ങളും പണവും രേഖകളുമടങ്ങിയ ബാഗ് ഓങ്ങല്ലൂർ കുന്നംകുളത്തിങ്കൽ അബ്ദുൽ സബാദ് (39) ആണ് ഉടമയെ കണ്ടെത്തി നൽകാൻ പട്ടാമ്പി പൊലീസ് സ്റ്റേഷനിൽ ഏൽപിച്ചത്.
10 പവനിലധികം സ്വർണാഭരണങ്ങളും പണവും എടിഎം കാർഡുകളും ബാഗിലുണ്ടായിരുന്നു. ചെന്നൈയിൽ സ്ഥിര താമസക്കാരിയായ സുജാത പട്ടാമ്പിയിലെ കുടുംബവീട്ടിൽ ഓണാവധിക്കും വിവാഹത്തിൽ പങ്കെടുക്കാനും എത്തി തിരിച്ചു പോകുമ്പോഴാണു ബാഗ് നഷ്ടപ്പെട്ടത്. 10 ലക്ഷത്തിലേറെ വില വരുന്ന സ്വർണവും പണവും അടങ്ങിയ ബാഗ് ഉടമയ്ക്കു തിരിച്ചു നൽകിയ സബാദിനെ പൊലീസ് അഭിനന്ദിച്ചു.
അബ്ദുൽ സബാദിന് സ്നേഹോപഹാരം നൽകിയാണു സുജാത മടങ്ങിയത്. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
