കമ്പിൽ ∙ കഴിഞ്ഞദിവസം നാറാത്ത് കുടുംബാരോഗ്യ കേന്ദ്രത്തിനു മുൻവശം മുതൽ കൊളച്ചേരി മുക്ക് വരെ പ്രധാന റോഡിന്റെ ഒട്ടേറെ ഭാഗങ്ങളിൽ പൈപ്പ് പൊട്ടി പാഴായത് ലീറ്റർ കണക്കിനു ശുദ്ധജലം. രണ്ട് കിലോമീറ്റർ ഭാഗങ്ങളിൽ ഒട്ടേറെയിടങ്ങളിലാണ് കൊളച്ചേരി ശുദ്ധജല വിതരണ പദ്ധതിയുടെ പൈപ്പ് പൊട്ടി വെള്ളം പാഴായത്.
പൈപ്പ് പൊട്ടൽ മൂലമുള്ള ജലനഷ്ടം ഇവിടെ നിത്യ കാഴ്ചയാണെന്ന് നാട്ടുകാർ പറയുന്നു. ഇത് കാരണം ദുരിതത്തിലാകുന്നത് ഈ വെള്ളത്തെ ആശ്രയിച്ച് കഴിയുന്ന ഒട്ടേറെ വീട്ടുകാരാണ്.
വെള്ളം നിരന്തരമായി ഒഴുകുന്നത് റോഡ് നാശത്തിനും ഇടയാക്കുന്നു.
പഴശ്ശി കനാലിൽ നിന്നുള്ള വെള്ളം വടുവൻകുളം, പാടിക്കുന്ന് തുടങ്ങിയ സ്‌ഥലങ്ങളിലെ കൂറ്റൻ സംഭരണിയിലേക്ക് തുറന്ന് വിടുന്ന വേളയിലെ ശക്തമായ സമ്മർദമാണ് പൈപ്പ് പൊട്ടൻ കാരണമെന്ന് പറയപ്പെടുന്നു.
പലയിടങ്ങളിലും നാൽപത് വർഷം മുൻപ് സ്ഥാപിച്ച കോൺക്രീറ്റ് പൈപ്പുകളാണ് നിലവിലുള്ളത്. മിക്കയിടങ്ങളിലും അറ്റകുറ്റപ്പണികൾ നടത്തി ജലവിതരണം പുനഃസ്‌ഥാപിച്ച ഭാഗങ്ങളാണു ദിവസങ്ങൾക്കുള്ളിൽ വീണ്ടും പൊട്ടുന്നത്. വെള്ളം പാഴാകുന്നതു അധികൃതരെ അറിയിച്ചാൽ അറ്റകുറ്റപ്പണികൾ നടത്താനെത്തുക ദിവസങ്ങൾ കഴിഞ്ഞാണ് നാട്ടുകാർ ആരോപിക്കുന്നു.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
