പൊലീസ് മർദനം: ആരോപണവിധേയനായ ആളുടെ വീട്ടിലേക്ക് യൂത്ത് കോൺഗ്രസ് മാർച്ച്

മാടക്കത്തറ∙ കുന്നംകുളത്ത് യൂത്ത് കോൺഗ്രസ് ചൊവ്വന്നൂർ മണ്ഡലം പ്രസിഡന്റിനെ മർദിച്ച സംഭവത്തിൽ ആരോപണ വിധേയനായ മാടക്കത്തറ പുലരി നഗർ സ്വദേശി കൊള്ളന്നൂർ സജീവന്റെ വീട്ടിലേക്കു യൂത്ത് കോൺഗ്രസ് മണ്ഡലം കമ്മിറ്റി മാർച്ച് നടത്തി. പൊലീസ് ക്രിമിനലുകൾ നാടിന് അപമാനം, വാണ്ടഡ് എന്നിങ്ങനെ ചിത്രമുൾപ്പെടുന്ന പോസ്റ്ററുകൾ വീടിനു സമീപവും ജംക‍്ഷനിലും പതിച്ചു. പ്രകടനമായി എത്തിയ പ്രവർത്തകരെ പൊലീസ് തടഞ്ഞു. 
വീടിനു മുന്നിൽ പോസ്റ്ററൊട്ടിക്കാൻ ശ്രമിച്ച സംഘത്തെ മണ്ണുത്തി എസ്എച്ച്ഒ കെ.സി.ബൈജുവിന്റെ നേതൃത്വത്തിൽ തടഞ്ഞെങ്കിലും വീടിനു സമീപത്തെല്ലാം പോസ്റ്ററുകൾ പതിച്ചു. യൂത്ത് കോൺഗ്രസ് മണ്ഡലം പ്രസിഡന്റ് ധനേഷ് കെ.ദാസ് അധ്യക്ഷത വഹിച്ചു.

യൂത്ത് കോൺഗ്രസ് സംസ്ഥാന സെക്രട്ടറി സി.പ്രമോദ്, കോൺഗ്രസ് മണ്ഡലം പ്രസിഡന്റ് വി.എസ്.പ്രദീപ്, ബ്ലോക്ക് വൈസ് പ്രസിഡന്റ് ജോൺസൻ മല്ലിയത്ത്, മനോജ് പുഷ്കർ, ഏബ്രഹാം എൽസി എന്നിവർ നേതൃത്വം നൽകി. …