കാഞ്ഞിരപ്പുഴ ∙ ശക്തമായ മഴയെ തുടർന്നു തെങ്കര– കാഞ്ഞിരപ്പുഴ പഞ്ചായത്തുകളെ ബന്ധിപ്പിക്കുന്ന കോൽപാടം കോസ്‌വേയിൽ വെള്ളത്തിൽ മുങ്ങി. മണിക്കൂറുകളോളം ഗതാഗതം തടസ്സപ്പെട്ടു.
മലയോര മേഖലയിൽ മഴ കനത്തു പെയ്തതോടെ ഡാമിലേക്കുള്ള നീരൊഴുക്ക് വർധിച്ചു. ജല ക്രമീകരണിനായി ഡാമിന്റെ മൂന്നു സ്പിൽവേ ഷട്ടറുകൾ ഇന്ന് ഉയർത്തും.
മഴ തുടരുന്നതിനാൽ ജാഗ്രത വേണമെന്ന് അധികൃതർ മുന്നറിയിപ്പു നൽകി.
പ്രദേശത്തു കഴിഞ്ഞ ദിവസം മുതൽ തന്നെ മഴ ശക്തമായിരുന്നു. തുടർന്ന് ഇന്നലെ വൈകിട്ടോടെയാണു കോൽപാടം കോസ്‌വേയിൽ വെള്ളപ്പാച്ചിൽ തുടങ്ങിയത്.
അരമണിക്കൂറിനകം കോസ്‌വേ പൂർണമായും വെള്ളത്തിൽ മുങ്ങി. ഇതോടെ ഇരുവശത്തും വാഹനങ്ങൾ കുടുങ്ങി.
തുടർന്നു മറ്റുവഴികളിലൂടെയാണു വാഹനങ്ങൾ ഗതാഗതം നടത്തിയത്. മണിക്കൂറുകൾ കഴിഞ്ഞിട്ടും വെള്ളം ഇറങ്ങിയില്ല.
തെങ്കര–കാഞ്ഞിരപ്പുഴ പഞ്ചായത്തുകളെ തമ്മിൽ ബന്ധിപ്പിക്കുന്ന റോഡിലെ കോസ്‌വേയാണിത്.
മഴ പെയ്താൽ കോസ്‌വേയിൽ വെള്ളം കയറി ഗതാഗതം മുടങ്ങിയതും പതിവാണ്. ആഴ്ചകൾക്കു മുൻപും കോസ്‌വേ നിറഞ്ഞിരുന്നു.
മലയോര മേഖലയിലും വൃഷ്ടി പ്രദേശത്തും കനത്ത മഴയെ തുടർന്നു കാഞ്ഞിരപ്പുഴ ഡാമിലേക്കുള്ള നീരൊഴുക്കു വർധിച്ചു.
ഡാമിന്റെ പരമാവധി ജലനിരപ്പ് 97.50 ആണെങ്കിലും ഇന്നലെ വൈകിട്ട് 5.30നു ജലനിരപ്പ് 96.05 മീറ്ററിലെത്തി. മഴ തുടരുന്നതിനാൽ ഡാമിലെ ജലനിരപ്പ് ക്രമീകരിക്കുന്നതിനായി ഇന്നു രാവിലെ എട്ടിനു മൂന്നു സ്പിൽവേ ഷട്ടറുകൾ അഞ്ചു സെന്റിമീറ്റർ വീതം ഉയർത്തും.
പുഴയോരത്തു താമസിക്കുന്നവർക്കു ജാഗ്രത നിർദേശവും നൽകി. മഴ കുറഞ്ഞതിനെ തുടർന്നു ഏതാനും ദിവസങ്ങൾക്കു മുൻപാണ് ഷട്ടറുകൾ അടച്ചത്.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
