വടക്കഞ്ചേരി∙ ദേശീയപാതയിൽ മംഗലം പുഴയ്ക്കു കുറുകെയുള്ള മംഗലം പാലത്തിന്റ പുനർ നിർമാണ പ്രവർത്തനങ്ങൾ നീളുന്നു. ബലക്ഷയത്തെ തുടർന്ന് ജൂലൈ അവസാന വാരം റോഡ് ബ്ലോക്ക് ചെയ്തു നിർമാണം തുടങ്ങിയതാണ്.
ഒരു മാസം പിന്നിട്ടിട്ടും പാലം കുത്തിപ്പൊളിക്കൽ അവസാനിച്ചിട്ടില്ല. പാലത്തിന്റെ ജോയിന്റുകൾ ചേരുന്ന ഭാഗമാണു പൂർണമായും പൊളിക്കുന്നത്.
പണി നീളുന്നതു മൂലം ദേശീയപാതയിൽ കുരുക്കു മുറുകുകയാണ്. ഇവിടെ അപകടങ്ങളും നടക്കുന്നു.
തൃശൂർ ഭാഗത്തേക്കു പോകുന്ന വാഹനങ്ങൾ വഴിതിരിച്ചുവിട്ടാണു നിർമാണം നടത്തുന്നത്.
മാസങ്ങൾക്ക് മുൻപ് പാലക്കാട് ഭാഗത്തേക്ക് പോകുന്ന പാലത്തിൽ നാലിടത്തു പൊളിച്ചു പുതിയ കമ്പികൾ പാകി ബലപ്പെടുത്തിയിരുന്നു. പാലത്തിന്റെ ടാറിങ് അടർത്തിമാറ്റി കമ്പികൾ പാകി ബലപ്പെടുത്തിയ ശേഷം റീ–ടാറിങ് നടത്തുമെന്നാണ് ബന്ധപ്പെട്ടവർ പറയുന്നത്.
എന്നാൽ പണി സാവധാനമാണു നടക്കുന്നത്. ഒറ്റ വരിയായി വാഹനങ്ങൾ കടത്തിവിടുന്നതിനിടെ കഴിഞ്ഞ ദിവസം മൂന്നു വാഹനങ്ങൾ കൂട്ടിയിടിച്ചു. നിർമാണം വേഗത്തിലാക്കി നാലുവരിപ്പാത ഗതാഗത യോഗ്യമാക്കണമെന്നാണു യാത്രക്കാരുടെ ആവശ്യം.ഇതിനിടെ വടക്കഞ്ചേരി മേൽപാലത്തിൽ വിള്ളലുള്ള ഭാഗങ്ങളിൽ കോൺക്രീറ്റ് കൊണ്ട് അടയ്ക്കുന്ന ജോലികളും നടക്കുന്നുണ്ട്.
78 തവണയാണു മേൽപാലത്തിൽ കുത്തിപ്പൊളിക്കൽ നടത്തിയത്.. ഇപ്പോഴും കമ്പികൾ ചില ഭാഗത്തു റോഡിനു മുകളിൽ കാണാം.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
