കാസർകോട്∙ ആറു കിലോഗ്രാം കഞ്ചാവു കടത്തിയ കേസിലെ പ്രതിക്ക് 3 വർഷം കഠിന തടവും 20000 രൂപ പിഴയും വിധിച്ചു. ധർമടം മീത്തൽ പീടിക എൻ.കെ.സൽമാനെ (26) ആണ് കാസർകോട് അഡീഷനൽ ജില്ലാ സെഷൻസ് കോടതി (രണ്ട്) ജഡ്ജി കെ.പ്രിയ ശിക്ഷിച്ചത്.
പിഴ അടച്ചില്ലെങ്കിൽ 3 മാസം കൂടി തടവ് അനുഭവിക്കണം.
2020 ജൂൺ രണ്ടിനു പുലർച്ചെ കുമ്പള പെട്രോൾ ബങ്കിന് എതിർവശം കാറിൽ നിന്നായിരുന്നു എസ്ഐ ആയിരുന്ന കെ.വിനോദ് കുമാർ കഞ്ചാവ് കണ്ടെടുത്തത്. കുമ്പള സിഐ ആയിരുന്ന പി.പ്രമോദ് ആണ് കുറ്റപത്രം സമർപ്പിച്ചത്.
കേസിലെ ഒന്നാം പ്രതിക്ക് കഴിഞ്ഞ മാസം സമാന ശിക്ഷ ലഭിച്ചിരുന്നു. മൂന്നാം പ്രതി ഒളിവിലാണ്.
പ്രോസിക്യൂഷനു വേണ്ടി അഡിഷനൽ ഗവ. പ്ലീഡർ ജി.ചന്ദ്രമോഹൻ, അഡ്വ.
ചിത്രകല എന്നിവർ ഹാജരായി. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
About the Author
