കുടമാളൂർ ∙ ക്ഷീര സഹകരണ സംഘം കെട്ടിടം തകർച്ചയിൽ. കെട്ടിടത്തിന്റെ ഒരു ഭാഗം നേരത്തേ തകർന്നിരുന്നു.
കെട്ടിടം ഉപയോഗിക്കാൻ കഴിയാതെ വന്നതിനെത്തുടർന്നു സംഘം അയ്മനത്തെ വാടകക്കെട്ടിടത്തിലേക്ക് പ്രവർത്തനം മാറ്റി. ശതാബ്ദി നിറവിൽ നിൽക്കുന്ന കുടമാളൂർ ക്ഷീര സഹകരണ സംഘം പ്രവർത്തിച്ചിരുന്ന കെട്ടിടമാണ് തകർന്നത്.
സംസ്ഥാനത്ത് ആദ്യമായി രൂപീകരിച്ച സംഘമാണിതെന്ന് പ്രസിഡന്റ് ബിജി കെ.ജോൺ പറഞ്ഞു. ഒരു ദിവസം 200 ലീറ്ററിനു മുകളിൽ പാൽ അളക്കുന്ന പടിഞ്ഞാറൻ മേഖലയിലെ ഏറ്റവും വലിയ ക്ഷീര കർഷക സംഘമാണിത്.
പടിഞ്ഞാറൻ പ്രദേശങ്ങളിലെ പല സംഘങ്ങളും നിർത്തിയപ്പോഴും മികച്ച രീതിയിൽ പ്രവർത്തിച്ചു വരികയായിരുന്നു സംഘം. നിലവിലെ കെട്ടിടം ഇരിക്കുന്ന സ്ഥലത്ത് പുതിയ കെട്ടിടം പണിയുന്നതിനു സർക്കാർ നടപടി എടുക്കണമെന്നാണു ക്ഷീരകർഷകരുടെ ആവശ്യം.
സംഘം ഇതു സംബന്ധിച്ചു നിവേദനം നൽകിയിട്ടുണ്ട്. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
