വൻ കുഴികൾ: പുതുച്ചോല പാലം അപകടത്തിൽ

ബത്തേരി∙ കനത്ത മഴയിൽ ഇരുവശങ്ങളിലും വലിയ കുഴികൾ രൂപപ്പെട്ട് അപകടാവസ്ഥയിലായിരിക്കുകയാണ് പഴേരി പുതുച്ചോല പാലം. നൂറു കണക്കിന് വാഹനങ്ങൾ നിത്യേന സർവീസ് നടത്തുന്ന പാലം അപകടാവസ്ഥയിലായത് യാത്രക്കാരെ ഭീതിയിലാക്കിയിട്ടുണ്ട്.

പാലത്തിന്റെ ഇരുഭാഗങ്ങളിലും റോഡിനോടു ചേർന്നാണ് ഗർത്തങ്ങൾ ഉണ്ടായിട്ടുള്ളത്. കുഴികൾ രൂപപ്പെട്ടിട്ട് ദിവസങ്ങളായെങ്കിലും അടയ്ക്കാൻ നടപടികളുണ്ടായിട്ടില്ല.

കഴിഞ്ഞ ദിവസം പെയ്ത കനത്ത മഴയിൽ വെള്ളം കുത്തിയൊലിച്ചെത്തി  പാലത്തെ കൂടുതൽ അപകടത്തിലാക്കി. കുഴികളിലേക്ക് വെള്ളം കുത്തിയൊലിച്ചിറങ്ങിയതോടെ പാലത്തിന്റെ പാർശ്വഭിത്തികൾക്കടക്കം കേടുപാടുകൾ സംഭവിച്ചിട്ടുണ്ട്.

കൈവരികളിൽ വിള്ളലുമുണ്ട്. ബത്തേരിയിൽ നിന്ന് വടക്കനാട്ടേക്കുള്ള പ്രധാന പാതയാണിത്.

…