പാരിപ്പള്ളി ∙ വീട്ടിൽ പ്രസവിച്ച യുവതിക്കും കുഞ്ഞിനും രക്ഷകരായി ‘കനിവ് 108 ആംബുലൻസ്’ ജീവനക്കാർ. വീട്ടിൽ ആൺകുഞ്ഞിനു ജന്മം നൽകിയത് പള്ളിക്കൽ തുമ്പോട് കൃഷ്ണൻകുന്ന് സ്വദേശിനിയായ 26 വയസ്സുകാരിയാണ്.
വെള്ളി പുലർച്ചെ അഞ്ചരയോടെയാണു സംഭവം. യുവതിക്കു പ്രസവവേദന അനുഭവപ്പെട്ടതിനെത്തുടർന്ന് ആശുപത്രിയിലേക്കു പോകാൻ ശ്രമിക്കവേ വീട്ടിൽ തന്നെ പ്രസവിക്കുകയായിരുന്നു.
ഉടൻ വീട്ടുകാർ ‘കനിവ് 108 ആംബുലൻസി’ന്റെ സേവനം തേടി. കൺട്രോൾ റൂമിൽ നിന്നു സന്ദേശം നിലമേൽ സാമൂഹിക ആരോഗ്യ കേന്ദ്രത്തിലെ ‘കനിവ് 108 ആംബുലൻസി’ന് വേഗം തന്നെ കൈമാറി.
ആംബുലൻസ് ഡ്രൈവർ ജ്യോതിഷ് കുമാർ, എമർജൻസി മെഡിക്കൽ ടെക്നിഷ്യൻ വിഷ്ണു ബാലൻ എന്നിവർ ഒട്ടും താമസിക്കാതെ സ്ഥലത്തെത്തി.
വിഷ്ണു കുട്ടിയുടെ പൊക്കിൾ കൊടി ബന്ധം വേർപെടുത്തി ഇരുവർക്കും വേണ്ട പ്രഥമ ശുശ്രൂഷ നൽകി ആംബുലൻസിലേക്കു മാറ്റി. തുടർന്ന് ആംബുലൻസ് ഡ്രൈവർ ജ്യോതിഷ് കുമാർ ഇരുവരെയും പാരിപ്പള്ളി ഗവ.
മെഡിക്കൽ കോളജ് ആശുപത്രിയിൽ വേഗത്തിൽ എത്തിച്ചു. അമ്മയും കുഞ്ഞും സുഖമായി ഇരിക്കുന്നതായി ബന്ധുക്കൾ അറിയിച്ചു. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
