പടിഞ്ഞാറത്തറ∙ ബാണാസുര സാഗർ അണക്കെട്ടിന്റെ വൃഷ്ടി പ്രദേശത്ത് മഴ ശക്തമായി തുടരുന്നതിനാൽ സ്പിൽ വേ ഷട്ടറുകൾ വഴി കൂടുതൽ വെള്ളം പുറത്തേക്ക് ഒഴുക്കിത്തുടങ്ങി. 2 ഷട്ടറുകൾ 30 സെന്റി മീറ്റർ വീതം ഉയർത്തി 48.8 ക്യുമെക്സ് വെള്ളമാണു കരമാൻ തോട് വഴി ഒഴുക്കി വിടുന്നത്. നിലവിലെ അപ്പർ റൂൾ ലവൽ പരിധി 775.50 മീറ്റർ കവിഞ്ഞതിനാൽ ആണ് ഷട്ടറുകൾ കൂടുതൽ ഉയർത്തിയത്.
ഇത്തവണ ഭേദപ്പെട്ട മഴ ലഭിച്ചതോടെ ഡാമിലെ ജലനിരപ്പ് പരിധി നിലനിർത്തുന്നതിന് വിവിധ ഘട്ടങ്ങളായി വെള്ളം ഒഴുക്കിക്കളഞ്ഞിരുന്നു.
ജൂൺ അവസാന വാരം 2 ഷട്ടറുകൾ ഉയർത്തി വെള്ളം ഒഴുക്കിയിരുന്നെങ്കിലും മഴ കുറഞ്ഞതോടെ ഈ മാസം 8ന് അടച്ചു. പിന്നീട് മഴ ശക്തമായതോടെ 19 ന് ഒരു ഷട്ടർ ഉയർത്തി വെള്ളം ഒഴുക്കി. എന്നാൽ മഴ തുടർന്നതോടെയാണ് രണ്ട് ഷട്ടറുകളും കൂടുതൽ ഉയർത്തിയത്.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
